نگین کشور ایراندی خانم معصومه #حضرت_معصومه

مدح حضرت معصومه سلام الله علیها
.
زبدة الاشعار
.
: @nohe_torki
.
محمدرضا صادقی
.
نگین کشور ایراندی خانم معصومه
وجودی مظهر ایماندی خانم معصومه
.
مقام و رتبده برتردی بانوان ایچره
بو دخت افضل نسواندی خانم معصومه
.
قمون دیارینه اولدی وجودی زینت بخش
یایلدی نوری درخشاندی خانم معصومه
.
تفاخر ایلدی یر عرشه اول وجودوندان
ملک ده شأنینه حیراندی خانم معصومه
.
رضاسی نه فلکه گون کیمی سالوب نورین
قمرده قومدا نمایاندی خانم معصومه
.
بهشتی ایلمز عشاق آرزو دیلده
حرملروز بیزه رضواندی خانم معصومه
.
طبیبیلر قاپوسین آشنالروز دوگمز
دیلله دردلره درماندی خانم معصومه
.
سیزین قاپوزدا گدانین قییتمز اللری بوش
بو باب رحمت رحماندی خانم معصومه
.
گلله هیئته عشاق سیزلره خاطر
کرم بو یرده فراواندی خانم معصومه
.
قوناقه حرمت ائده لر بو رسم عالمدور
بورا گلن سنه مهماندی خانم معصومه
.
گلیبدی «صادقی» مین عذریله بقیع ایستور
الین بوش ایلمه احساندی خانم معصومه
.
.
#حضرت_معصومه_مدح
#نگین_کشور_ایراندی_خانم_معصومه
#محمدرضاصادقی
#ترکی
.
#زبدةالاشعار
.
: @nohe_torki