ورود به کوفه
زبانحال حضرت زینب کبری (س)
.
زبدة الاشعار
?: @nohe_torki
.
مرحوم عاصی تبریزی
.
نیزه ده یارالی باشون بنزوری هلاله قارداش
مه یوزونده نقشۀ کول خوش سالوبدی هاله قارداش
ای مه سپهر ایمان
اولموسان کول اوسته مهمان
.
.
باشلادون ازلده تکبیر باشیمی گونوز اوجاتدون
نولدی بس گیچن گجه سن زینبی گوزوندن آتدون
باشیمه کول اولسون آخِر هاردا کوللر اوسته یاتدون
کیم ایدوب بیله اهانت وجه ذوالجلاله قارداش
.
من دیدیم که باشیویله دل تاپار گجه تسلّی
بولمدیم تنور ایچینده نور حق ایدوب تجلّی
لمعاتِ نور رویون طور ایدوب همان محلی
اَرِنی دلیمده ایتدیم صبح اولونجا ناله قارداش
.
شانیوه دگلدی لایق اول مکان نامناسب
فاطمه گلوب یارالی باشیوه اولوب مصاحب
منده اولموشام برادر اهل بیتیوه مواظب
چکموشم گجه کِشیک من عترت و عیاله قارداش
.
یانموشام یانان چادردا صبحه تک یانان دلیله
ویرموشم تسلّی دل، اهل بیته مین دلیله
بسکه خاطریم دولوبدور درد و غمله نسگلیله
ویرموشم اودور اجازه گوزده اشک آله قارداش
.
منجنیق فرقتونده جانیمی بیر عمر سخدون
صبریمون حصارینی سن شوق وصلویله یخدون
زینبون گلور ایشیتدون ایمدی پیشوازه چخدون
تسلیتدن اوتری آخِر باشلادون مقاله قارداش
.
یا شقیقِ قلب زینب ای سرور جان زهرا
سن دانیش دلون فداسی ای شه حجاز و بطحا
باری بو باخانلار ایتسون قانلی باشیوه تماشا
باخماسونلا ظلم الیله کشف اولان جماله قارداش
.
من دیمم جدا باشیندا نطقه گل منی دانیشدور
یا گوز آچ بو جمعیده گور داد و شیونی، دانیشدور
نه صفیّه نه رقیّه نه سکینه نی دانیشدور
بو صغیره فاطمه گور بیر قالوب نه حاله قارداش
.
یوخدی معجری باشیندا آغلوری خجالتیندن
حایل ایلیوبدی ینگین مه جماله عفّتیندن
هی وورولّا ساربانلار ال گوتورمور عصمتیندن
ذکر یاربین سالوبدور دلده اتّصاله قارداش
.
دمبدم اولور مصوّر لوح سینه ده بو مطلب
ایلیوب بِش ایل خانملیق بوردا عزْتیله زینب
ایمدی اهل کوفه ایلور اوزگه آدیله مخاطب
دونمسون نجه سرشکیم چشمۀ زلاله قارداش
.
گرچه ظاهراً اسیرم من بو قومه مبتلایم
لیک وار رضای جانان بیله ذلّته رضایم
فاطمه عزیزی زینب دخت شاه لافتایم
دوشمسون بو اهل کوفه اوزگه بیر خیاله قارداش
.
شاه، شاهدور حسینیم هر لباس ایچینده اولسا
گیتسه شوکتی الیندن ظاهر عزّتی پوزولسا
باشینی سالوب اشاقه گر باجون ساچینی یولسا
حقّی وار سنی گورنده دوزمسون بو حاله قارداش
.
قان اولوبدی بسکه حالیم بیله حال پراسفدن
ایلوری بیزه شماتت اهل کوفه هر طرفدن
کاش آتام علی گلیدی بیرجه کوفیه نجفدن
بیر باخِیدی عترتینده بو غم و ملاله قارداش
.
ممکن اولمادی دوزوم من صبره هر قدر چالیشدیم
ظلم کوفیانی گوردوم قلبیدن یانوب آلیشدیم
عاقبت کسیلدی چارم اختیارسیز دانیشدیم
بسکه یاندی دل جفای قوم بدخصاله قارداش
.
صاف اولوبدی قلب #عاصی قلبیدن اولوبدی بی غش
سوز تاپوب عیار کامل یاندیرور به سان آتش
لیک آرزوی قبرون خاطرین ایدوب مشوَش
بیر برات اربعین قیل سن بو ایل حواله قارداش
.
#سبک_سو_یوخومدی_قزلاروندان بیش از 5 سبک سینه و جوشی زنجیر
.
#کوفه
#نیزه_ده_یارالی_باشون_بنزوری_هلاله_قارداش
#عاصی_تبریزی
#ترکی
.
#زبدةالاشعار
?: @nohe_torki
: @nohe_torki . مرحوم بیضا اردبیلی . حُلق اصغردن اوپن اوچ شعبه پیکان آغلادی عرش و فرش و لوح و کرسی حی سبحان آغلادی . . بیر کسه درد و دلین ابرازبیشتر
نظر دهید