هایاندا قوش تک ایلدون سن آشیانه آی ننه #فاطمیه_انور_اردبیلی

زبانحال حضرت زینب کبری (س) در فراق مادر (س)
.
زبدة الاشعار
.
: @nohe_torki
.
مرحوم انور اردبیلی
.
هایاندا قوش تک ایلدون
سن آشیانه آی ننه
محالیدور یولون دوشه
بو دودمانه آی ننه
.
.
.
ـــــــــــــ
سبک اصلی:
#سبک_دل_شب_ایلیوب_سفر (4 سبک سینه و زنجیر برای اجرا بدون واگیر)
ـــ
.
#سبک های دیگر :
اگر واگیر اضافه شود در سبک های زیر هم قابل اجراست :
.
1 – #سبک_الهی_غملی_کوفه_نون (#جوادی)
واگیر برای این سبک از #ثاقب_زنجانی :
یوزه اشک غم توکوب آغلارام
بو مُحَنده سینه می داغلارام
.
.
2 – #سبک_الهی_دفن_ایدیم_نجه
واگیر برای این سبک :
بدنده یاره – حیالی زهرا
گئدن مزاره – یارالی زهرا
.
.
3- #سبک_تا_مشکتو_تو_آب_زدی
واگیر برای این سبک از #شایان_ارومیه:
یوزه گوزدن دائم اشک غم باغلارام من
حزین حزین فرقتونده چوخ آغلارام من
سیه پوش اوللام بو محنتده من آنا جان
سنون مظلوم ئولماقیوا دل داغلارام من
یارالی یارالی یارالی یارالی(2)
ــــ
.
.
.
بابام که رحلت ایلدی
ائوونده امنه یئتمدون
قوناقلیقا نه گلشنه
نه باغه سیره گئتمدون
بو ایکی آی یاریمدا سن
گولوب تبسم ائتمدون
گوروم تبسم ائتمه سین
لب زمانه آی ننه
.
.
.
نه سرو گورمیوب فلک
او قامت وزین کیمی
نه رحمسیز بشر گلر
او قنفذ لعین کیمی
چوخ ائوده تای توشون سنون
گزور هله گلین کیمی
مزاره قنفذ ایلدی
سنی روانه آی ننه
.
.
.
وئرنده غسلووی آتام
ائدنده جسمیوه کفن
ایلیکه گِیدی خلعتین
او ضربه لر گورن بدن
نظاره ایلدیم ئوزوم
بویووا دقتیله من
کفنده هئچ یاراشمیور
تزه جوانه آی ننه
.
.
.
یتیم اوشاقلارون آنا
نه سختیمیش زمانه سی
سنه بو زینب ایلسون
گلایه یوخ بهانه سی
بو رسم روزگاردور
قوشون یاناندا لانه سی
اوچوب او لانه دن گئدر
بیر آیری یانه آی ننه
.
.
.
هایاندا عندلیبدن
گول اوسته خوش ترانه وار
او یرده اووچی وار و یا
زمینه سی خزانه وار
هر ائوده شورِ حق وار
صفای عاشقانه وار
فلک تئز آیریلیق اوخون
قویار کمانه آی ننه
.
.
.
یتیشدی جانی بیر خطر
بو غملی خانوادیه
دچار اولوب بویوک کیچیک
بلای فوق العادیه
ائدردی غبطه ماخلق
آتامدا کی ارادیه
همین اراده صاحبی
دویوبدی جانه آی ننه
.
.
.
بو غملی منزله آتام
نمازدن گلن زمان
قاپودا مکث ایدور بیر آز
ائدور نظاره ناگران
گورور نه غملی منظره
بیزه دئمور او باغری قان
یقین یارالی سینه دن
قالوب نشانه آی ننه
.
.
.
وجود خرمنی یانور
چکنده آه برقی وار
یم غم و مصیبتون
مگر بیر ایله غرقی وار
اوشاقلاروندا آغلیور
آتامدا لیک فرقی وار
بیز آغلوروق علاقه دن
او عاشقانه آی ننه
.
.
.
روا دگولدی بو ائوی
صدای الامان دوتا
هوایه توستی قوزانا
فضاسینی دومان دوتا
یتیم اوشاقلارون سنون
عزای جاودان دوتا
یانان قاپون اولوب بیزه
بویوک بهانه آی ننه
.
.
.
قرا گونه قالان قیزون
شرار غمده اودلانور
کیچیکده اولسا زینبون
مطالبی گوزل قانور
محلّ دفن محسنه
گوزوم دوشور ئورک یانور
نه غملی آستانه دور
بو آستانه آی ننه
.
.
.
هر عورت اولسا حامله
گرکدی چوخ چالشماسون
مواظب اولسون حملینه
آغیر شیئه یاپشماسون
نجه بو دردووه سنون
ئورک یانوب آلیشماسون
بالوندا زیر ضربه ده
بویاندی قانه آی ننه
.
.
.
بلا پیمبر عترتین
همیشه پا بپا گزر
وفالی آشناسینی
نجیکه آشنا گزر
جنینی سقط اولان خانم
طبیبیله دوا گزر
نه ضرب سیلی ایستیور
نه تازیانه آی ننه
.
.
.
باشا چخوب عزیز گونوم
قرا گونوم قالوب دالا
قاباق که گونلرون گرک
ئورکده نقشه سی قالا
بویومی اوخشیوب منیم
دییردون آی گوزل بالا
بو تللره بو ساچلارا
ووراندا شانه آی ننه
.
.
.
سولار چمنده غنچه لر
دچار اولان زمان بادا
ائوون که گئتدی لذّتی
آغیز مگر گلر دادا
نه سو دوشور خیالیمه
نه بیر غذا دوشور یادا
آناسی صید اولان قوشا
نه آب و دانه آی ننه
.
.
.
نباته چکسون آرزو
گوروم مدینه داغلاری
بیتورمه سون شقایق و
نه لاله غملی باغلاری
غروب وقتی ائولرون
یانان زمان چراغلاری
منیمده قلبیمون اودی
چکر زبانه آی ننه
.
.
#فاطمیه_شهادت
#هایاندا_قوش_تک_ایلدون_سن_آشیانه_آی_ننه
#انور_اردبیلی
#حماسه_شهدا_انور
#ترکی
.
#زبدةالاشعار
.
: @nohe_torki