هرکیم ایسترسه معاش و رزقی یتسون وسعته #مهدیه_مضطر_اردبیلی

عرض ارادت به امام زمان(عج) در شب نیمه شعبان
.
#زبدةالاشعار
.
: @nohe_torki
.
مرحوم مضطر اردبیلی
.
هرکیم ایسترسه معاش و رزقی یتسون وسعته
بو گجه اولسون پناهنده امام حجّته
.
.
نیمه شعبانیدور شیعه لره لیل برات
کشف اولوب اسلامه اوزینه بو گجه باب نجات
هرچه دردون وار اورکده مال و اولاد و حیات
دوت نظرده گلموسن ای شیعه هر بیر نیّته
.
.
صاحب دوران امام العصر سلطان کرم
مظهر نور حقیقت قویدی دنیایه قدم
حقّیدن ماموردور ناحقلری قیلسون عدم
مومنینی دار ذلّتدن یتورسون عزّته
.
.
شیعه لر اعدادی دین ایچره اولوب هرچند خوار
هر قدر خوار اولسالار صابردیلر خرد و کبار
کیم بیلر هانسی زماندا اول ولیّ کردگار
ماه تک ایلر طلوع سوی گروه ظلمته
.
.
وصله تبدیل ایله یارب اول شهون بحراننی
منتظر احبابینون تا دردینون درماننی
ذوالفقار الده گلوب آلسون حسینون قاننی
یانمیاق بوندان علاوه باری نار فرقته
.
.
آز مگر ظلم ایتدیلر حقینده اول شاهون عدو
ایستی گون قوم اوسته پیکر یاره خشکیده گلو
بیر بله حالتده دشمندن تمنّا ایتدی سو
ویرمدیلر بیر ایچیم سو اول شه با همّته
.
.
ئولدوروب اول سروری لب تشنه اول شمر دغا
باشینه ویردی مکان نوک جداده بر ملا
خیمه و خرگاهینه اود وردی ایتموب اکتفا
لشکره فرمان ویروب ال آچدی قتل و غارته
.
.
«مضطر» عارفلن انیس اول عقل تحصیل ایتگیلن
همدم اول عالمه تا ایمانی تکمیل ایتگلین
شرّ اولان اعمالوی خیریله تبدیل ایتگلیلن
راه دوزخدن چکیل دوش راه عدن و جنّته
.
.
#مهدیه_مضطر_اردبیلی
#مهدیه_میلادیه
#هر_کیم_ایسترسه_معاش_و_رزقی_یتسون_وسعته
#ترکی
.
#زبدةالاشعار
.
: @nohe_torki