وصال وقتینه چون گوردی آز زمان قالدى #وداع_راثی_تبریزی

وداع امام حسین (ع)
..
..
..
..
مرحوم راثی تبریزی
..
..
..
..
وصال وقتینه چون گوردی آز زمان قالدى
قویوب عیالینی گوز یاشلی رزمه آت سالدى
..
چخوب خِیَمدن آتین چوخ شتابیله سوردی
ولیک تلّه یتوب گتمه دی گنه دوردی
..
سرشگ دیدہ سی آب فرات تک آخدی
دونوب بالالارینا حسرتیله بیر باخدی
..
نه گوردی بیر بالاسی آردیجا چو سایه گلور
یرور دورور دایانور نی کیمی نوایه گلور
..
گلور خیامه او قیز کثرت محبتدن
خیامده اوتورانموب کمال ألفتدن
..
دالنجا گلدی گنه بلکه بیر گوره یوزونی
باباسنا دیه گزلین اورکده کی سوزونی
..
ایکی ادب الینی قویدی سینیه دوردی
بهار ابری کیمی گوزلرینی دولدوردی
..
دیدی حضوریوه گلماقدا حاجتیم واردی
اجازه وئرسن اگر بیرجه زحمتیم واردی
..
پیاده اول من بیکسدن ایله دفع ملال
یتیم لر کیمی ایمدی منی قوجاقوه آل
..
او اللری که چکردین یتیم لر باشینا
منیم ده باشیما چک باخ گوزیمده گوز یاشینا
..
آتیندان اولدی پیاده او شاه دریا دل
خانم بالاسنا بو مطلب اولماسین نسگل
..
الین چکوب باشینا غملرین خیال ایلدی
سولان یوزوندن أؤپوب دفع اشگ آل ایلدی
..
گوروب که دیدہ سینون بارشی دمادم دور
بویوردی آغلاما بو آغلاماق منه غم دور
..
نقدر ئولمه میشم من غریبی یاندیرما
سینقدی قلبیم عزیزیم علاوه یاندیرما
..
سرشگی ساخلا او وقته ، منی بو قوم شریر
ایده له قانیمه غلطان ، سیزی ایده له اسیر
..
..
..
#وداع #راثی_تبریزی #حسینیه_وداع #ترکی #زبدةالاشعار