چخما ای گون سن هله اوز نوریوی مستور ایله #شب_عاشورا_محبی_مراغه_ای

رجز – خطاب به آفتاب
در شب عاشورا
..
..
..
..
حاج عطوف کتابچی (محبی مراغه ای)
..
..
..
..
چخما ای گون سن هله اوز نوریوی مستور ایله
اهل بیت عصمتی سالما بلا و مشکله
چخما ای گون سن هله
..
..
..
..
سن طلوع ایتسون اولار محشر عیان
دوغرانار یتمیش ایکی پیر و جوان
کربلاده قان اولار سو تک روان
گورموسن لشکر ایدوللر هلهله
چخما ای گون سن هله
..
..
..
..
آشکار اولسون اگر طوفان اولار
گلشن آل عبا ویران اولار
ظلم الیله خیمه لر تالان اولار
نیلسون زینب بالا قزلاریله
چخما ای گون سن هله
..
..
..
..
نوریوى سالما بلا صحراسینه
باخگلان سن لشگرین غوغاسینه
اهل بیتین آه و واویلاسینه
قویگلان آل رسالت دینجله
چخما ای گون سن هله
..
..
..
..
گور نجه دشمن بو دشتی دولدوروب
سو یولی آل رسوله باغلانوب
آل سفیان پرچم طغیان ووروب
جنگ ایدوللر دینیله قرآنیله
چخما ای گون سن هله
..
..
..
..
قوی گوره لیلا دویونجا اکبرین
ایلسون شانه او مشکی تللرین
سینیه باسسون رسوله بنزرین
بیرده گلمز بیر بئله فرصت اله
چخما ای گون سن هله
..
..
..
..
بو گجه فرصتدی گورسون اوغلونی هر بیر آنا
صبح آچلسا چون باتالّار هاشمیلر آلقانا
اولما راضی نوجوانلار دوغرانا
باخگلان دللرده سوزان نسگله
چخما ای گون سن هله
..
..
..
..
قوی دویونجا اصغرین گورسون رباب
یوخ سودی قلبی اولوب غمدن کباب
گوزلوری سقّا ایده تحصیل آب
منتظردور خیمه گاهه سو گله
چخما ای گون سن هله
..
..
..
..
وار ابوالفضل خیمه لر آرامیدی
اللرینده قزلارین بوش جامیدی
دللره تسکین ابوالفضلین گوزل اقدامیدی
خوردا قزلاره چتیندور مسئله
چخما ای گون سن هله
..
..
..
..
قاسمین ایلور وداع بی کس آنا
صبح آچلسا قورخوری قلبی یانا
اولما راضی سرو قدّی دوغرانا
سوز غم آتش وورا زیبا دله
چخما ای گون سن هله
..
..
..
..
پرورش ویردی حسینه فاطمه
سن اگر چخسون اولار فرصت فراهم ظالمه
منتظردور قتلینه بو لشگر بی واهمه
چخماسون اولماز فراغت قاتله
چخما ای گون سن هله
..
..
..
..
سن طلوع ایتسون یقین دوغرالّا شاه محشری
آت ایاقیله اولار پامال جسم اطهری
سالما نورون عالمه یاندورما خونین دللری
عالم امکانه سالما زلزله
چخما ای گون سن هله
..
..
..
..
غارت ایله للر خیامی لشکر کفر و نفاق
راضی اولما وحشته دوشسونله بو عورت اوشاق
آشکار اولسون اولار روز بلا و انشقاق
فرصتی ویرمه گروه باطله
چخما ای گون سن هله
..
..
..
..
اود ووراللار خیمه گاهه قوم کین
نیلسون بیمار علی ابن الحسین
طاقتی اولماز چخا اوددان یقین
سازگار اول حالت بیماریه
چخما ای گون سن هله
..
..
..
..
لیل عاشورا «محبی» لیلة اسراریدی
صبح اولونجا اهل حق بیداریدی
لیل هجران اهل حقّه لیلة الانواریدی
گور نجه خلوت ایدوبله حقیله
چخما ای گون سن هله
..
..
..
#شب_عاشورا #محبی_مراغه_ای #ترکی #زبدةالاشعار