زبدةالاشعار

چمنده بلبلون آیا نچون قراری گیدر #خروج_مدینه_آصف_تبریزی

خروج کاروان امام حسین (ع) از مدینه

.
✍️ #زبدةالاشعار ✍️
.
🆔: @nohe_torki
.
مرحوم آصف
.
چمنده بلبلون آیا نچون قراری گیدر
جفای خاری گوروب صبر و اختیاری گیدر
.
بهار اولاندا گلور گلستانه هر بلبل
بو عندلیب نچون سولمیوب بهاری گیدر
.
پیام یار ایشیدن عاشقه بو چوخ بنزر
آلوب قرارین اونون جذبۀ نگاری گیدر
.
حجاز ایچره نه آشوب دور مگر که اونون
حسین فاطمه تک شاه شهریاری گیدر
.
حرم کبوتری کرب و بلا چولونده مگر
ستمله اولماقا دام بلا شکاری گیدر
.
دیللّه کیم ایلیوبدور حسین عراقه سفر
نجه سفردی کنارینده شیرخواری گیدر
.
سفر بو نوعیله اولماز یقین سراغ ایلیوب
دیار ماریه ده شمر نابکاری گیدر
.
مگر دوشوب باشینا بو هوا که قانیله
بلا چولون ایده اسلام لاله زاری گیدر
.
حجازی ترک ایلیوب کربلاده قان تاجی
قویا اوجا باشینا عشق تاجداری گیدر
.
اسیر شمر اولا یوخسا او ماهرو بالالار
منوّر ایلماقا شهر شام تاری گیدر
.
جهازسیز دوه اوستونده قوللاری باغلى
مگر دمشقه طرف زینبون قطاری گیدر
.
مگر که گوشۀ ویرانه ده قوری یرده
رقیّه ویرماقا جان شام شومه ساری گیدر
.
نظاره قیل نجه آردینجا گور بو قافله نین
سرشک آصف اولوب سیل کوهساری گیدر
.
.
#خروج_مدینه_آصف_تبریزی
#چمنده_بلبلون_آیا_نچون_قراری_گیدر
#ترکی
.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search

دسته بندی درختی

دسته بندی درختی

Generic filters
Exact matches only
Filter by Custom Post Type

More results...

Generic filters

Filter by Custom Post Type

نتایج بیشتر ...