چون عازم اولدی عالم عقبایه مصطفی #پیامبراسلام_قمری

شهادت حضرت خاتم الانبیا (ص)
.
زبدةالاشعار
.
: @nohe_torki
.
مرحوم قمری
.
چون عازم اولدی عالم عقبایه مصطفی
قیلدی خطاب حیدره ای شاه لافتی
.
حلال قیل منی ای یار مهربان گئدیرم
جفای امّتلن باغریم اولدی قان گئدیرم
.
توقّف ایتمه داخی گور سفر تدارکیمی
اجل گلوب گوزیمه یا علی امان گئدیرم
.
وئروبدیلر منه زهر جفانی خیبرده
بو گون اونون اثریندن اوزولدی جان گئدیرم
.
منه عم اوغلی دگیلدون عزیز قارداشودون
سنی قویوب بو جهان ایچره ناتوان گئدیرم
.
نه قدر ظلم ایده لر صبر ایله قلج چکمه
توکلمه سون یره اسلام ایچیند قان گئدیرم
.
شکایت ایتمه عدو مسجده چکنده سنی
حسینی قویما گیلان ایلسون فغان گئدیرم
.
منیم یریمده گوررسن شریر امّتیمی
غم و اَلمدن اولوب قامتیم کمان گئدیرم
.
سنی غمیله ایوینده ایده له خانه نشین
ایدرسن ایللریلن گوز یاشین روان گئدیرم
.
عم اوغلی جان سنون جان یتیم قزیم زهرا
سنون یانوندا امانتدور آز زمان گئدیرم
.
یتیمدور اونا چوخ آغلاسا آجیقلانما
بو بینوا سنه قرخ گوندی میهمان گئدیرم
.
گلنده یانیمه اعضاسی اولماسون مجروح
چکن مصیبتی من بیلمیشم عیان گئدیرم
.
نه ظلملر گوره جک چوخ لعین جفاسیندن
بو غملی سینه ده بیر داغدور نهان گئدیرم
.
ریاض ماتم آل عباده ناله کنان
قویوب چو قمری دلخسته نوحه خوان گئدیرم
.
.
.
#پیامبراسلام_شهادت
#چون_عازم_اولدی_عالم_عقبایه_مصطفی
#حلال_قیل_منی_ای_یار_مهربان_گئدیرم
#قمری
#ترکی
.
#زبدةالاشعار
.
: @nohe_torki