چکدی لیلا بیلمرم یاران نجه بو غملری #اکبریه_مضطر_اردبیلی

حالات حضرت علی اکبر (ع)
..
..
..
..
..
مرحوم مضطر اردبیلی
..
..
..
..
..
چکدی لیلا بیلمرم یاران نجه بو غملری
گتدی اخیامه حسین وقتی که نعش اکبری
..
..
..
..
..
منتظر قالمشدی راه اکبر ناکامیده
مضطرب تشویشیلن بی تابیدی اخیامیده
ناگهان اوج ائتدی عرشه ناله اول هنگامیده
چولقادی ناله صداسی عرش حقّ داوری
..
..
..
..
..
عترت طاها چخار گوردی پریشان خیمه دن
دیده گریان سینه سوزان اشکریزان خیمه دن
هر چخان عورت اوشاق ایللًّه افغان خیمه دن
قانه دوندرمیشله گوزلرده هامی اشگ تری
..
..
..
..
..
بیر بئله حالتله آخر نیلسون اول بینوا
دوزمگ آساندور مگر آیا دوزر هیچ بیر آنا
مصطفى شبهى اوغول اكبر كیمین یوسف لقا
دوغمیوب بیله اوغول واللهی دهرون مادری
..
..
..
..
..
راضی اولمازدی اولا بیر لحظه چشمیندن کنار
تاب ایدنمزدی قونا بیر تار زلفینه غبار
بس نجه دوزدی نجه تاب ایلدی اول دلفکار
پاره پاره دوغرانان وقته اونون گل پیکری
..
..
..
..
..
جای خنجر گورمگیله حلق اسماعیلده گر
تاب قیلموب هاجر ایتدی ملک دنیادن سفر
جان فدای صبر لیلا نیلدی اول خونجگر
اوغلینون گوردی دولوب قانیله شهلا گوزلری
..
..
..
..
..
اکبرون نعشین غمیلن پادشاه کربلا
ذوالجناح اوستوندن اندیردی یره با صد نوا
دوتدی هشتاده یُووخ عورت او ناکامه عزا
اکبریم وای، زینبون اولدی دیلینون ازبری
..
..
..
..
..