زبانحال حضرت زینب سلام الله علیها در حال احتضار
سوال و جواب
.
.
#سبک_ساخلا_ناقه_می_کاروانیدن و … ( 8 سبک سینه و زنجیر )
.
.
حاج اصغر فرشچی تبریزی
.
.
کربلانی ترک ایله شامه گل
جان ویرور بو غربتده زینبون
اوخلی کوینگون باغرینا باسوب
گوزلوری بو حالتده زینبون
.
.
غملیدی اورک لخته لخته قان
یدّی قارداشون غم یاراسی وار
عشقی وارحسین زینبون سنه
باشنون اودورچوخ بلاسی وار
هانسی باجینون من تک عمریده
بو قدر قضا ماجراسی وار
بوتجارت عشقدور حسین
سود ایدر تجارتده زینبون
.
.
گل اُلور باجون باغلا گوزلرین
یوخدی بیر نفر قیدینه قالان
بی کسم غریبم بو یرده من
اولماز هیچ منیم دردیمی آلان
گرچه من حسین باغلیانمادیم
گوزلرین سنون آیرولان زمان
گل حسین گوزون باغلا قالمیه
انتظار و حسرتده زینبون
.
.
سن شهید اولاندا بو گوزلریم
سیل تک توکوب قانیاش آغلیوب
صبر ایدوب غمه داغدار اولوب
شهر شامیده سینه داغلیوب
قورتولوبدی عمرخسته جانیله
ایلوری سفر جامه باغلیوب
صون نفسده دی تز یتیر اوزون
حالت زوالتده زینبون
.
.
گل نفس دوشوبدی شماریه
چیرپونوراورک بیقراروام
سمت کربلایه باخورگوزوم
قانیاش آغلوری انتظاروام
گل منه بو لطفون تمام ایله شمع
تک یانان شعله باروام
گل باشیم دیزون اوسته جان ویروم
قالمیه ملالتده زینبون
.
.
آغلیوب باجون چوخ سنه حسین
سنده گل بیرآز آغلا زینبه
داغلیوب باجون سینه سین غمه
سنده سینوی داغلا زینبه
باش یاراسی چوخ باغلیوب باجون
سنده گل یارا باغلا زینبه
بو جهاندا هیچ دینجلنمدی
دینجلر قیامتده زینبون
.
.
هاردا گل حسین اکموشم منیم
گلستانیمون گللری سولوب
با غریقان ایدوب غصّه لرمنی
اشک غم لره گوزلریم دولوب
حسرتیله بو روحی آیرولور
فکری ذکری گل یا حسین الوب
لیک گوزتیکوب گوزلوری یولون
گل زمان رحلتده زینبون
وار ارادتی«عدلینون» بیزه
.
.
روزو شب ایدر گوزیاشین روان
نطقیدن دوشوب خامه یازموری
گون بگون اولورجسمی ناتوان
ایستورم دیم قیل نظراونا
ای شهیدعشق شاه انس وجان
کربلایه دعوت ایله گله
قالمیه شکایتده زینبون
.
.
زبانحال امام حسین علیه السلام
( جواب)
.
.
روحومون قوشی ایستورم اوچا
پرآچا باشون اوسته بیر قالام
قول بویون اولام سنله بیرباجی
درد و غملرین سینمه آلام
سینم اوسته لیک اصغریم یاتوب
قورخورام دورا سود امر بالام
یوخ آناسونا تاپشورام اونی
آغلاسون چوخ عطشاندی زینبیم
.
.
مندن آیری سن چوللره دوشوب
گوزده اشکوی قانه قاتموسان
داغ بویی بلایه دایانموسان
بالش غمه چوخ باش آتموسان
کربلانی من مدفن ایلدیم
سن دمشق شهرینده یاتموسان
یات رقیمیلن دارخماسون
حالتی پریشاندی زینبیم
.
.
سن مدینه لی من مدینه لی
شامی سن باجی کربلا نی من
سن اسیر عشق من شهید عشق
مسکن ایتموشم نینوانی من
جانه آلموسان سن بلا لری
جانه آلموشام هربلانی من
نهضتیمده وار شرکتون سنون
عالم اهلی حیراندی زینبیم
.
.
.
#زینبیه_شهادت
#کربلانی_ترک_ایله_شامه_گل
#عدلی_تبریزی
#ترکی
#زبدةالاشعار
متن های پیشنهادی برای شما
بستروندن باش گوتور خلقه مولا یاعلى #حیدریه_تائب_تبریزی
شب 21 رمضان . 
#زبدةالاشعار . 
: @nohe_torki . مرحوم تائب تبریزی . بستروندن باش گوتور خلقه مولا یاعلى آجلارا الده آپار نان و خرما یا على یا علیّ یا علی یا علیّ یا على . . ایمدی آجلیق چوخلاری تاب وطاقتدن سالوب هربیشتر
سینونده کی جراحته قربان اولوم ننه #فاطمیه_غفاری_زنجانی
زبانحال حضرت زینب سلام الله علیها در شهادت مادر .. .. غفاری زنجانی .. .. سینونده کی جراحته قربان اولوم ننه اول صدر با شرافته قربان اولوم ننه .. کیم سن کیمی دویوب بیله تز روزگاریدن سن چکدگون ریاضته قربان اولوم ننه .. ایبیشتر
شریعت اهلی بولر بو صريح فتوانی #کاظمیه_حسین_رحمتی
شهادت حضرت موسی بن جعفر (عليه السلام) . #زبدةالاشعار . : @nohe_torki . مرحوم حاج میرزا #حسین_رحمتی . شریعت اهلی بولر بو صريح فتوانی که درک ایدنده اجل بیرنفر مسلمانی . گرکدی دفن اولونا عزّ و احترامیله خدای لازمبیشتر
چکنده نقشِ نگینْ حَیِّ ذوالجلالِ محمّد #17ربیع_قیزیل_قلم
در مدح و میلادیه پیامبر صلی الله علیه و آله و سلم . زبدة الاشعار . : @nohe_torki . اکبر ستاری ( قیزیل قلم ) تضمین غزل سیدعظیم شیروانی . چکنده نقشِ نگینْ حَیِّ ذوالجلالِ محمّد ملکلره مُتَجَلّی اولوب خیالِ محمّدبیشتر
من آنان فاطمه یم ای شه خوبان یارالی #تنورخولی_امینی_خویی
تنور خولی . #زبدةالاشعار . : @nohe_torki . مرحوم حاج رسول امینی خویی . من آنان فاطمه یم ای شه خوبان یارالی گلمیشم خولی ایوینده سنه مهمان یارالی باشون اوستونده دوتام شام غریبان یارالی بسلمیشدیم بو باشی گللربنبیشتر
عالم اسلامیده حُرّ ایله خدمت ایلدی #حر #سعدی_زمان
مرد عاقل احوالات حرّ علیه السلام . #زبدةالاشعار . : @nohe_torki . مرحوم حسینی سعدی زمان . عالم اسلامیده حُرّ ایله خدمت ایلدی تا جهان وار اوز آدین تاریخه زینت ایلدی . . گوردی عاشورا گونی کفریله دین دوردی طرف هربیشتر
نظر دهید