کوچ از کربلا
زبانحال دختر سه ساله امام حسین (ع)
.
✍️ #زبدةالاشعار ✍️
.
🆔: @nohe_torki
.
#سبک_واردی_باشیمدا_یا_حسین …. #سبک_ای_حرمینه_ناز_ائدن … #سبک_عطری_گلور_محرمون و …
.
مرحوم تائب تبریزی
.
کرب و بلاده نازیله یاتما اویان دور ای بابا
دور یولا سال رقیّه نی شامه روان دور ای بابا
.
.
داده یتن تاپولموری شمر دغا اسیری یم
جور و جفائیله بو گون اهل جفا اسیری یم
کوفه و شامه عازمم کرب و بلا اسیری یم
بوردا مراقبیم منیم شمر و سناندور ای بابا
.
.
بلبله چوخ گران گلور صحن چمندن آیریلا
ترک ایده گُل بوداقینی سرو و سمندن آیریلا
گور نه روادی سویگلون ای بابا سندن آیریلا
آیریلیقین رقیّه وه درد گراندور ای بابا
.
.
بلبلم عادت ایتمیشم قونماقا گُل بوداقیوه
حیف اولا جبریله بو گون توش اولورام فراقیوه
دور بابا ساقلقون کیمی آل منی بیر قوجاقیوه
گوگلومی آل بو آیریلوق وقتی آماندور ای بابا
.
.
سن دگوسن رقیه وه چوخ واریدی محبتون
سن دگوسن منه اولوب دائمی لطف و رأفتون
نولدی همون محبتون قطع ایلدون او الفتون
سرّی ندور بو نکته نون دور منه آندور ای بابا
.
.
سن شه مشرقین سن بس نیه قانه باتمسان
تختون اولوبدی خاک و خون حالی شکسته یاتمسان
سینَوَه اوخلاری دوزوب طاق ظفر اوجاتمسان
هانسی شهین سنون کیمی بستری قاندور ای بابا
.
.
عطریله هانسی بیر چمن قتلگهون کیمی دولوب
سن کیمی هانسی گُل بابا باد جفائیله سولوب
من کیمی هانسی بلبلون دردیله باغری قان اولوب
هاردا بهار گلستان بیله خزان دور ای بابا
.
.
سن نقدر وفالیسان منده ایله وفالی یم
سنده اورک یارالیسان منده اورک یارالی یم
سنده باشی بلالی سن منده باشی بلالی یم
قالب ایکی ولیک بیر روح و رواندور ای بابا
.
.
سن نجه قانه باتمیسان منده ایله باتام گرک
اشگوی قانه قاتمیسان منده ایله قاتام گرک
سن قوری یرده یاتمیسان منده ایله یاتام گرک
شامیده خوابگه منه غملو مکاندور ای بابا
.
.
بو نه علاقه دور مگر سن کیمی قانه باتماسام
زلفیمه قانیوی یاخوب خون دل اشگه قاتماسام
بو نه وفادی سن کیمی من قوری یرده یاتماسام
گوز یاشیم اول علاقیه شرح و بیاندور ای بابا
.
.
بیر بیله ساعت ای بابا گلمزیدی خیالیمه
جبریله سندن آیریلام باعث اولا ملالیمه
سیلی دست اشقیا نقش سالا جمالیمه
فکر ایدورم که بو نجه دُورِ زماندور ای بابا
.
.
وار اثری سیزیلتیمون ای بابا سنگ و آهنه
لیک مؤثر اولموری قلب سپاه دشمنه
باخموری بو سیزیلتیما ویرموری بیر امان منه
تا سنه کشف ایدم او که درد نهاندور ای بابا
.
.
ای بابا قوم اشقیا غارت ایدنده خیمه نی
چوللره قاچدی عترتون دلده فغان و شیونی
آت قباقیندا قوغدولار پای پیاده چوخ منی
آبله دور ایاقلاریم قانی رواندور ای بابا
.
.
سوگُلی بیر قیزام سنه ترک وفا من ایتمرم
بو یری مسکن ایلرم قویسالا شامه گیتمرم
گیتسم اگر وصالیوه من بولورم که یتمرم
ئولدورر آیریلق منی مطلب عیاندور ای بابا
.
.
قالماقا قتلگاهده منده تمایل ایلرم
دائم آلوب کناریوی دردیمی زایل ایلرم
گون قباقیندا جسموه زلفیمی حایل ایلرم
چون بو یارالی گُل بدن جسمیمه جاندور ای بابا
.
.
ظلم اوتی گر چه یاندیروب بو دل پاره پاره می
بیر ستم آرتیرور ولی دلده اولان شراره می
اهل جفا ویرا ویرا آلدیلا گوشواره می
یاره لنوب قولاقلاریم قانی نشاندور ای بابا
.
.
سویگولیم عدو بولور ای بابا آل هاشمه
باخموری خسته حالیمه چشم سرشگ پاشیمه
ناله ایدنده هر زمان قمچی ویراللا باشیمه
خون جگر عذاریمه گور نه رواندور ای بابا
.
.
ای بابا گُل جنازوی یوخدی بو چولده دفن ایدن
گون قباقینده قالماقون سینه ده آرترور محن
ویرسه امان بو کوفیان زلفیمی ایلرم کفن
قالسا گوگولده بو محن آفت جاندور ای بابا
.
.
باخماز عدو بو مضطرین سینه ده التهابی وار
طعن ایدوری یتن منه لحظه ده مین عتابی وار
دوزدی اسیره ظلم اولی لیک حد و حسابی وار
بیر بیله ظلم اولور مگر رسم جهاندور ای بابا
.
.
وور بو طریق عشقیده شوقیله «تائبا» قدم
بیتوه بیت اولور ثمن روز جزاده وور قلم
مطلع شعر خوش دوشوب ایله دوباره سن قلم
دشت بلاده نازیله یاتما اویاندور ای بابا
.
#کرب_و_بلاده_نازیله_یاتما_اویان_دور_ای_بابا
#ترکی
.
.
✍️ #زبدةالاشعار ✍️
.
🆔: @nohe_torki
نظر دهید