کرب و بلا چولونده طوفاندی یامحمد #حسینیه_شبگیر_تبریزی

#کرب_و_بلا_چولونده
#عاشورا_گونی
رجز روز عاشورا
..
..
..
شبگیر تبریزی
..
..
..
((کرب و بلا چولونده طوفاندی یا محمد
گوندر کفن حسینه عریاندی یا محمد))
..
قرآن ناطق اولدی ظلمیله پاره پاره
میداندا قانه غلطان قرآندی یا محمد
..
بیر داش ووروبلا اعدا سجده گه امامه
پهلو شکسته زهرا گریاندی یا محمد
..
قالخیزدی کوینگین تا ، خون بند ائده جبینی
گورسندی تا که قلبی اوخلاندی یا محمد
..
دگدی اورک باشیندان چیخدی کورک طرفدن
قلب حسینه مَحرم پیکاندی یا محمد
..
اوجوندا دوتدی قانی قاندان خضاب ائتدی
آغ ساقالی حسینین آل قاندی یا محمد
..
اوخلار هوانی دوتدی اوخلار اوخ اوسته یاغدی
داشلار هواده گویا باراندی یا محمد
..
قان قان دئین جماعت قان یاغدیرور هوادن
فکر سنان بو چولده قان قاندی یا محمد
..
جسم حسینی ائیلوب اوخ نیزه پاره پاره
شمرین الینده خنجر عریاندی یا محمد
..
شمرین یاپیشدی زینب مقتلده خنجریندن
بارماقلاری جفادن دوغراندی یا محمد
..
شمر لعین چیخدی گنجینهء امامه
شمر دنی ده گور نه طغیاندی یا محمد
..
قوملار وئرور حرارت اود یاغدیرور هواسی
اوچ گوندی شاه عطشان عطشاندی یا محمد
..
قربانه سو وئرللر رسم شریعتوندور
قرآنه شاه عطشان قرباندی یا محمد
..
یاندی حسین سوسوزدان کربوبلا چولونده
بیر جرعه سو تاپولسا احساندی یا محمد
..
شمر دنی سالوبدور شاهنشهی یوز اوسته
عرش خدای داور لرزاندی یا محمد
..
شاهه گدا ال آچدی کسدی باشین قفادن
مخَیَمده خیردا قیزلار گریاندی یا محمد
..
ترکیبدن سالوبدی آت دیرنافی حسینی
جسم شریفی گور نه شان شاندی یامحمد
..
شمر دنی ووروبدی ظلمیله اود خیامه
دامان خیردا قیزلار اودلاندی یا محمد
..
خوفیله خیردا قیزلار نهر اوستونه قاچولار
عباس پیکرینده افغاندی یا محمد
..
شبگیر یازما عریان درد و غم حسینی
سسله حسین ، حقه مهماندی یا محمد
..
..
..
#عاشورا
#قتلگاه #حسینیه #حسینیه_شهادت
#کرب_و_بلا_چولونده_طوفاندی_یامحمد
#شبگیر_تبریزی
#ترکی
#زبدةالاشعار