ساقى نامه
.
#زبدةالاشعار
.
: @nohe_torki
.
مرحوم میرزا محمد تقی قمری
.
کرم قیل ساقیا ویر جام مى تا باشدا شور اولسون
او شوریلن گهى اندوه و غم گاهى سرور اولسون
.
شفقت قیل او جام خوشگوار بادۀ نابى
اولوم بیر تردماغ ایلوم منوّر بزم احبابى
.
ایدوم بزم فصاحت ایچره وصف حیدر صفدر
اولوم جانیله مدّاح جناب ساقى کوثر
.
عطا قیل خضرم گلفامى جام مشکیلن ساقى
اولوم سرمست تا فتح ایلیوم نظمیله آفاقى
.
او می دن جام دولدور که مى مشکین ختام اولسون
کلامیم درّ غلطان تک قبول خاص و عام اولسون
.
قدح ویر باده ویر پیمانه ویر بیر جام مستانه
قیلوم جولان بلاغت معرضینده مرد و مردانه
.
ایدیم بیر نوعیله وصف جناب شاه مردانى
دیسونلر ماشأ الله ساکنان چاه ظلمانى
.
گلستان ولایتده قوروم بیر مجلس عظما
آچوم درج دهان هردم اولوم بو مدحده گویا
.
او می دن قیل عطا ساقى مزاجینده بلا اولسون
گهى باشیمده سوداى شه کرب و بلا اولسون
.
او می دن جام لبریز ایت ایدیم لا جرعه نوش جان
اولا گاهى فرح افزا ایده گه چشممى گریان
.
گهى شیرخدا وصفین دیوم جاندان اولوم خرم
گهى قمرى صفت شاه شهیدانه دوتوم ماتم
.
.
.
#حیدریه_قمری
#ساقی_نامه
#حیدریه_مدح
#کرم_قیل_ساقیا_ویر_جام_مى_تا_باشدا_شور_اولسون
#ترکی
.
#زبدةالاشعار
.
: @nohe_torki
نظر دهید