زبدةالاشعار

کوی عشقیده شوقیلن بو گون قانه باتماسام برملا باجی

وداع حضرت اباعبدالله الحسین علیه السلام
.
✍️ زبدة الاشعار ✍️

?: @nohe_torki
.
مرحوم حاج حسین عابد (مولانا یتیم)
.
کوی عشقیده شوقیلن بو گون
قانه باتماسام برملا باجی
قرب حقّیده دشت ایمنه
فخر ایدر نجه کربلا باجی
.

ایچمشم بو گون قان شرابینی
جرعه جرعه من جام عشقیدن
نشئه تاپمارام مست اولماسام
هم شراب گلفام عشقدن
اولماسام فنا آلمارام بقا
اولمارام رها دام عشقیدن
زندگانیِ جاودان ویرور
عشقیدن منه بو فنا باجی
.

توکسه ابر غم بارش اَلَم
باشیم اوسته هر دم، غم ایتمرم
قان فرات تک موج ایدوب داشا
دیدۀ دلی پر نم ایتمرم
هر بلا یتیشسه بو گون منه
چشمیم اوسته ابرو خم ایتمرم
عالم ازلده بَلی دین
سویلَمز داخی حرف لا باجی
.

اونداکی سینار جور و ظلمیلن
قانه غرق اولور کشتی نجات
بی قرار اولور چرخ نیلگون
اختیار ایدر لرزه شش جهت
حاملان عرش اختیارینی
سلب ایدر بو گون بو عوالمات
هم پوزار صفوف ملائکی
یر اوزونده کی ماجرا باجی
.

متن پیشنهادی:  ماه دل آرای جهان قُمدادی #حضرت_معصومه_حسن_نجفلو

اول زماندا لشکردن آیریلور
شمر بی حیا اضطرابیلن
قصد ایدر منیم قتلگاهیمی
هر قدمده سعی و شتابیلن
نه هواده نور فلک قالور
نه فلکده ضوء، آفتابیلن
وحشته دوشر قدسیان هامی
حیرت اوسته هم ماسوا باجی
.

چوم من اولّام اول قتلگاهیده
شوقیله او ساعتده ممتحن
انبیا حضوریله برملا
کشف اولور ندور مثمن و ثمن
سس گَلر حق لایزالیدن
ایسته بذل ایدوم هر نه ایسته سن
حیّ لم یزل فیض ذاتینی
ایلیوب منه خون بها باجی
.

اوندا ترک ایدر قارداشون سنون
بو جهانیدن هر علایقی
وعدۀ وصالیله عاشقون
ماسوا نه صورتده لایقی
بیر باشیملا کشف ایلرم او دم
شمر اَلینده سرّ حقایقی
اوندا ختم اولار بو حسین ایدن
خالقیله بیع و شرا باجی
.

متن پیشنهادی:  گلدی گنه نغمه ی شادی #حسنیه_رمضانی_خاکی

ایمدی قوی گیدوم تشنه جان ویروم
تنگه دوشدی وقت شهادتیم
وار شهادتیمده رضای حق
حق رضاسی عین سعادتیم
آغلاسان اگر شیون ایلمه
پوزماسون بو حالون او حالتیم
ای باتان بو غرقاب محنته
کشتی غمه ناخدا باجی
.

دیشره چخما بو خیمه گاهیدن
ای سپهر عصمتده کوکبیم
سویلمه علمدار اُلوب علم
یاتدی تار و مار اولدی موکبیم
گیچمز اول قدر که گورر گوزون
ناله و فغانیله مرکبیم
خیمیه طرف شاه سیز گَلور
مات اولوب ایدر آه و وا باجی
.

اونداکی خبر گَتدی سیزلره
بیر نظاره ایت سن بو توسنه
آشکار اولور حالتیم سنه
دشمن ایلیوبدور نلر منه
قتلگاهه گَلسن قِییت گلن
خیمه گاهه، یالوارما دشمنه
راضی اولما ایتسون شماتتی
بو حسینیوه اشقیا باجی
.

ای حسبده زهرایه نائبه
وی نسبده خیرالوری قیزی
گرچه صدر اوّلده کتب ایدوب
منشیان بزم وفا سیزی
من شهید اولاندان صورا ویرون
غارت ایتسه دشمن لباسیزی
چون دیوبله آل عبا سیزه
بسدی سیزلره بیر عبا باجی
.

متن پیشنهادی:  شرار ظلمه قلبیم یاندی یا رب #اصغریه_عاصی_تبریزی

چکمه غم که خلقتده اولموسان
رشک خلد و حورایه ماصدق
صفحۀ جمالون صفا ویرور
عالمه اوخونسا ورق ورق
خیره دور هامی دیده لر سنون
عارضوندن آلماز مگر شفق
بیله کیم گورونموبدی بیر گوزه
شمسیدن به غیر از ضیا باجی
.

چوخ تعجّبیم وار قلم نجه
یازدی بو بیاناتی دفتره
خامه خام اولور بو یتیمیلن
ویرسه دل اگر اوزگه دلبره
بو وداعیدن وار تدارکیم
عاصیانِ هنگام محشره
سن شفیعه سن بو یتیم اوچون
من شفیع روز جزا باجی
.
#سبک_ساخلا_ناقه_می_کاروانیدن (بیش از 8 سبک زنجیر و سینه زنی)

.
#وداع
#کوی_عشقیده_شوقیلن_بو_گون
#مولانا_یتیم
#ترکی
.
✍️ #زبدةالاشعار ✍️

?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی