کیمدی گلدی گیجه نون عالمی درباره دخیل #شب_عاشورا_ناطق_اردبیلی

شب عاشورا
..
..
..
..
مرحوم ناطق اردبیلی
..
..
..
..
کیمدی گلدی گئجه نون عالمی درباره دخیل
دئدیلر اکبر آناسیدی علمداره دخیل
..
..
..
..
آستانونده دخیلم سنون ای شیر ازل
مشگلیم واردی منیم مشگلیمی ائتگیله حل
نوجواندور بالام هئچ گورمیوب عمرینده جدل
لیلی باعث اودی گلمیش در سرداره دخیل
..
..
..
..
اکبریم گئتدی سووا تاپدی اونون گلمگی طول
اولموشام من او سببدن بئله غمگین و ملول
چون عرایض اولی بو باب الحوائجده قبول
باخماسون عرضینه گئتسون هارا بیچاره دخیل
..
..
..
..
واسطه الده واروم درگهوه معجریلن
نازپرورده سکینه هم علی اصغریلن
خاطرین آل نظره حفظ علی اکبریلن
ایکی نوگلدی گلوب باب سپهداره دخیل
..
..
..
..
ایستدی اکبرین عباس علیدن لیلا
وئردی لیلایه تسلّی دئدی ائتمه پروا
عزم ائدوب نهره طرف اول خلف شیر خدا
منتظر قالدی در خیمه ده دیداره دخیل
..
..
..
..
وسط راهده ناگه که طلوع ایلدی ماه
گوردی شهزاده یول اوستونده سپاهی ناگاه
سسلدی گلمه سیاهی عطشیندن باالله
گلوب عباس عموما اصغر مه پاره دخیل
..
..
..
..
بیرده سسلندی سیاهی بو قدر ائتمه هجوم
خیمه لرده عطشیندن یانار اطفال عموم
بو خیام ایچره واریمدور منیم عباس عموم
سسلرم دادیمه اولّام او وفاداره دخیل
..
..
..
..
یولومی کسمه سو مشگین آپاروم خیمه لره
قیمتی چوخدی یتورسم اونی گر تشنه لره
تشنه سیراب ائلمک اجرینی سن آل نظره
قویما اولاد پیمبر گئده كفّاره دخیل
..
..
..
..
گتوره بیلمدی طاقت داخی عباس رشید
نور دیده نیه گلدون دئدی بی یار و وحید
نه قدر اولمامیشام دشت بلا ایچره شهید
قویمارام عترت طاها اولا اشراره دخیل
..
..
..
..
عمو قارداش بالاسین سینیه با آه و نوا
جان کیمی چکدی او مه پیکرینی سینیه تا
گورجک اكبر عموسین ایلدی تعظیم و ثنا
گلدی گلمیشدی نجه لیلی آواره دخیل
..
..
..
..
سس دوشوب گتدی علی اکبر علی اصغره سو
عربستان اولا عطشان اولا بیرده گوره سو
کشمکش اولدی سو اوسته داغیلوبدور یره سو
او یانان سینه لری دوشدیله قوملاره دخیل
..
..
..
..
بارالها اولا درگاهوه بی حد و سپاس
امر قیل مشگلیمی حل ائلسون سرور ناس
«ناطقون» دردینه تئز چاره بویورسون عباس
اولماسون گر گئدرم عابد بیماره دخیل
..
..
..
..
#شب_عاشورا #ناطق_اردبیلی #ترکی #زبدةالاشعار