عاشق حقیقی
.
زبدة الاشعار
?: @nohe_torki
.
محمد وهابزاده (عیّار)
.
کیم اولسا مست و قلندر اولار علی یاری
وضوی خون ائدر اوندان گزر سَرِ داری
.
اوکس که مکتب عشقه گئدوبدی تحصیله
مقیم معبد تقوادی قلب خونباری
.
مرام میکده نی مست تاک اولان بیلمز
خُمار جام وِلایه یوخ ادّعا کاری
.
یازیل اومکتبه که ذکر هودی مشق شبی
صفای سینه نی تاپ سیل بو چرک و زنگاری
.
گرکدی صبر جمیلون اولا طریقتده
یوخوندی طاقت اگر ایلمه ریا کاری
.
بو کمترین ریاضتدی عشق درسینده
بسنده ایلمه ذکره گز آیری معیاری
.
اوکس که نان شبین وئردی مستحقه بیلر
ندور مرام و رسوم بلند (عیّاری)
.
گزوبدی یدّی ولایتده عارف دلخون
توکوبدی الده کی کشکوله عِطر عطاری
.
شراب سرخ شهادت ایچن بیلر ندی مِی
فراز نیزه نی پرقو بیلر حسین آری
.
اومنجنیقی مثال بُراق گوردی خلیل
وگرنه هاردان اولاردی شرار گلزاری
.
حسین کرببلاسینده یوزمین ابراهیم
اولانمازیدیلا بیر صحنه نون خریداری
.
اودم که اکبرین اعضاسینی یغوب بیربیر
مرتب ائتدی عَباده اوجسم گلناری
.
دئدی قبول ائله الله هدیه دور لکن
بیرآز بدن آزالوب سن گذشت ائله باری
.
ولی قالوب گینه بیر هدیه آلتی آیلیق دور
گرکدی کامل اولا چون امانت آماری
.
اگر منم بو بلا صحنه ده بلاگردان
مقدّر ایله چوخالسین سه شعبه اوخلاری
.
هدف نقدری که نازک تر اولسا دیبادن
سالار خیالیمه مسمار و درب و دیواری
.
گیندیروبدی کأنّه کفن او
صودامره
گلوب رقم ویرا تا بیر کبیر ایثاری
.
اجابت ایلدیلر خواهشین او بی دینلر
هدف اولوبدی اوخا غنچۀ سمن باری
.
قانین سپنده سمایه بئلی سینان رهبر
یازیلدی تا ابد اولماز بو صحنه تکراری
.
ندا گلوبدی حسین قویما قان یره آخسون
اولار قیامت عیان ائتمرم جلوداری
.
شرارِ معصیت کوفیان چاتوب عرشه
سریع دفن ائله تا گلمیوب بَلا فرشه
.
#حسینیه_مدح
#پیام_نهضت_حسینی
#کیم_اولسا_مست_و_قلندر_اولار_علی_یاری
#محمد_وهابزاده
#ترکی
.
#زبدةالاشعار
?: @nohe_torki
: @nohe_torki . روح الله رمضانی . گتوردی معتمدین ظلمی عالمی داده ائلدی یر گویون اهلین عزایه آماده . امامی ائتمیشیدی مدتیدی زندانی وئروبدی زهر جفا حضرتهبیشتر
نظر دهید