کیم دوگر عشقیله هر یاندا حسینون قاپوسین #حسینیه_غمکش

حسینون قاپوسین
.
زبدة الاشعار
.
: @nohe_torki
.
مرحوم #غمکش
.
کیم دوگر عشقیله هر یاندا حسینون قاپوسین
اولماز آواره حسین دردینه درمان ایلر
.
باخشی فاطمه نین اوغلونون عالمده یقین
آند اولا حقّه بیلون موری سلیمان ایلر
.
بو همان فطرسی آزاد ایلین مولادی
افتخار عشقینه بو عالم امکان ایلر
.
بویوروب حضرت طاها چوخ اونون وصفینده
بند قلبیم دی منیم دهری گلستان ایلر
.
اوندا که امّتی بی عاطفه ایمانی آتار
بالامون عشقی چوخون عاشق قرآن ایلر
.
دولانار گردش ایّام گلر ماه عزا
بو حسین ابن علی عشقیده طوفان ایلر
.
«غمکشا» یاز نئچه ائیل دفترووه عنوانین
بو او مولادی هامی مشکلی آسان ایلر
.
شک و تردید نه لازمدی بشرده اولسون
باخیشی دهریده مین گبری مسلمان ایلر
.
شیعه نین قانی جوشار ماه محرّم گلسه
اودی عالملری ئوز عشقینه نالان ایلر
.
آغلارام ای دل او مولایه ئولونجه هر گون
گوز یاشی دهریده دل ملکونی رضوان ایلر
.
دولانار قاره علم باشینه آواره لری
اولارا حتمی نظر شاه شهیدان ایلر
.
حالینه کیم یاناجاق یانمیاجاق دوزخده
یاس دوتانّاری قیامتده او خندان ایلر
.
در و درگاه حسین ابن علی جنّتدی
رحمی چوخدی آقامون مشکلی آسان ایلر
.
یانمیان سینه عزا خانه ده ممکن اولماز
تاپا یول جنّته عالملری حیران ایلر
.
.
.
#ورود_محرم
#حسینیه_مدح
#کیم_دوگر_عشقیله_هر_یاندا_حسینون_قاپوسین
#یادگار_غمکش
#ترکی
.
#زبدةالاشعار
.
: @nohe_torki