گئنه دوشدى الهى! یاده عبّاس #عباسیه_سیدبشیرحسینی

شیردلیر ابوالفضل علیه السلام
.
زبدة الاشعار

?: @nohe_torki
.
سید بشیر حسینی میانجی
.
گئنه دوشدى الهى! یاده عبّاس
علی‌دن درس آلان آزاده عبّاس
.
یئتیشدى نوبتى میدانه گئتسین
سو آلسین قیزلارا شهزاده عبّاس
.
گیوبدى اگنینه جنگى لباسین
او قدّى اوخشیان شمشاده عبّاس
.
گلوب عرض سلام ائتدى ادبلن
دایاندى محضر مولاده عبّاس
.
اجازه آلجاقین میندى عقابه
گتوردى زینبى فریاده عبّاس
.
خلاصه عرصه‌ی جنگاهه چاتدى
چکوب بیر نعره اُول مأواده عبّاس
.
بدن لر تیتردى، سس لر کسیلدى
بویوردى لشکر بیداده عبّاس
.
اگر سو وئرمَسوز آل رسوله
وئرر کولتک بو قومى باده عبّاس
.
گلون مقبول ائدون دین مبینى
گلوبدور صحنه‌ی ارشاده عبّاس
.
که ناگه چکدیلر شمشیر و نیزه
اولوب جنگ ائتماقا آماده عبّاس
.
دئدى اللَّهُ اکبر، چکدى شمشیر
قووبدى لشکرى هیجاده عبّاس
.
دگوبدور بیر بیره صف‌لر پوزولدى
گتوردى محشرى ایجاده عبّاس
.
هره بیر سمته قاچدى قورخوسوندان
سالوب طوفان دل اعداده عبّاس
.
یول آچدى قوش کیمین چاتدى فراته
دایاندى داخل دریاده عبّاس
.
سوویلان دولدوروب مشکین او سقّا
سوسوز کیمدور؟ حسین، سقّاده عبّاس
.
ز بس جنگ ایلیوب ایستى هواده
سوسوزموشدى بلى دعواده عبّاس
.
اودور دولدوردى اووجون بارى ایچسین
آلوبدى بیر سس اُول اثناده عبّاس
.
ائشیتدى سس گلور یاندیم عمو گل
سووى توکدى یئره چون باده عبّاس
.
دئدى سو ایچمسه مولا حسینیم
گرک سو ایچمیه دنیاده عبّاس
.
غرض چیخدى سودان لب تشنه سقّا
دوتوب تیغى ید بیضاده عبّاس
.
بو قصدیلن سو مشکین تئز یتورسین
خیامه یوزقویوب شهزاده عبّاس
.
بئله اولماز دئدى، سعد اوغلى لشکر!
برابردور سیزه یاراده عبّاس
.
اگر قطع اولماسا قولاّرى تندن
سیزى محو ایلیر صحراده عبّاس
.
دوشوبدور قولاّرى سودایه بیر باخ
سو آلدى قول وئریب سوداده عبّاس
.
او حالدا ساخلادى چوخ زحمتیلن
سو مشکین سینه‌ی سیناده عبّاس
.
یاغیش‌تک اوخ‌ یاغوردى دورت طرفدن
گوروب ناگه بیر اوخ بیناده عبّاس
.
دگوب اوخ مشکه، سو آخدوقجا یاندى
سراپا قامت رعناده عبّاس
.
یارالى باشیلن آتدان دوشنده
گوروب زهرانى‌ده معناده عبّاس
.
بویاندا یئر آچوب آغوشین، امّا
آچوبدور قولاّرین زهراده، عبّاس!
.
یا گل آغوشیمه یا سسله قارداش
حسینى سسلدى امداده عبّاس
.
حسین! سن گلمیونجه بو منایه
باشین وئرمز کف جلاّده عبّاس
.
ائشیدجک زینبه اُول شه بویوردى
منى باجى! چاغوردى داده عبّاس
.
مینوبدور ذوالجناحه گلدى فوراً
گوروب نخجیر اولوب صیاده عبّاس
.
نه اللّر وار، نه پرچم وار، نه مشکی
داخى قادر دگول هئچ زاده عبّاس
.
یارالى باشى شه آلدى قوجاقه
دئدى سیندى بئلیم دنیاده عبّاس
.
“بشیرین” دوت الیندن اُول زمان کى
اوچارسان جنّت الاعلاده عبّاس!
.

#عباسیه_مدح
#عباسیه_شهادت
#گینه_دوشدى_الهى_یاده_عباس
#سیدبشیرحسینی
#ترکی
.
#زبدةالاشعار

?: @nohe_torki