گتی ذوالجناحی زینب بوکولوب بئلیم آماندور #اکبریه_کاتب_اردبیلی

شهادت حضرت على اکبر (ع)
..
..
..
..
مرحوم کاتب اردبیلی
..
..
..
..
گتی ذوالجناحی زینب بوکولوب بئلیم آماندور
منی سسلین هرایه علی اکبر جواندور
..
..
..
..
ووروب اهل شام و کوفه بدنینه بسکه یاره
اولوب اول یارالی جسمی ستمیله پاره پاره
اوره گیمه چکدی داغین بو گروه کین دوباره
گئدرم دالینجا منده داخی قامتیم کماندور
..
..
..
..
بیلورم عطش شراری جگرینی یاندوروبدور
یره دوشجگین آت اوستن اونی هر گورن ویروبدور
باشی اوسته دسته دسته هامی صف چکوب دوروبدور
ائدن اکبری عیادت گھی تیر و گه سناندور
..
..
..
..
باجی رزمگهده دشمن آلوب اکبری آرایه
داخی کیمسه رحم ائدن یوخ او جوان مه لقایه
دوشوب ایستی قوملار اوسته چاغیرور منی هرایه
توکولور یارالاریندان قانی سو کیمی رواندور
..
..
..
..
هامیدان زیاده اولدی منیچون بو درد و محنت
ایده بیلمدوم اونا طوی اوره گیمده قالدی حسرت
عوض لباس فاخر کفن آخر اولدی قسمت
نه علاج ائدیم بو درده گل گلشنیم خزاندور
..
..
..
..
باجی من خلیل خاتم او ذبیح کربلادور
بو بلالی چولده عطشان ره شرعیده فدادور
بیزه حق یولیندا اولسا نه قدر ستم روادور
هامیدان ال اوزمیشم من نه گوزومده مال و جاندور
..
..
..
..
..
#اکبریه #کاتب_اردبیلی #اکبریه_شهادت #ترکی #زبدةالاشعار