گزورم چولی سیزیلدار ایاقیم یاراسی عمه #راه_شام_معزی_اردبیلی

راه شام
.
زبدة الاشعار
.
?: @nohe_torki
.
مرحوم معزی اردبیلی
.
گزورم چولی سیزیلدار
ایاقیم یاراسی عمه
گل اوزون یارامی باغلا
الیوون فداسی عمه
.
.
نیه تیز بی بی دویوبسان بو باشی بلالی قیزدان
آتاسی گیدن الیندن اوره گی یارالی قیزدان
قاچان اللری باشیندا یورولان عزالی قیزدان
اولنه کیمی آچیلماز باشیمون قراسی عمه
.
.
اوزولوب الیم بیلورسن نجه آشیانلردن
بدنیم منیم یورولدی بی بی تازیانلردن
نیه یولدا سن آییردون منی نازدانلردن
نیه کاروانون اولدوم غمه مبتلاسی عمه
.
.
غم هجرووه دوزوم یوخ دوتولوبدی قلب پارم
منی تک قویوب گیدوبسن گیجه گلدی اشکبارم
هایانا گیدوب سیخیلام کسیلوبدی راه چارم
گیدور آسمانه یردن اورگیم نواسی عمه
.
.
دیورم یقین واروندور گله قارداشون قیزیندان
کسولوب بوچولده لطفون بله قارداشون قیزیندان
چوخالوب غمی خبردوت هله قارداشون قیزیندان
کیچیگه گلوب همیشه بویوگون عطاسی عمه
.
.
بی بی باغبان غم ایلراولا گلستاندا گل کم
اورگیم دوتار دویونمه قاباقا دوشنده کولگم
بوگیجه اولوب قوتارام یوزیمی گورنمز اولکم
خوش اولار سنون الونله قیزیوین عزاسی عمه
.
.
قاچورام الیم باشیمدا سسیمه صدا ویرن یوخ
دیورم علی اکبر عوضینده جان دیین یوخ
یوزیمه آخاندا اشگیم گوزومون یاشین سیلن یوخ
چوخ اولوبدی زندگیمده باشیمون بلاسی عمه
.
.
فلک آغلادور ستمله گوزیمی آدامسیزام من
اثر محن ساراتدی یوزیمی آدامسیزام من
گورورم بو چولده تنها اوزیمی آدامسیزام من
اورگیمی گتدی درده فلکون جفاسی عمه
.
#سبک_سو_یوخومدی_قزلاروندان … بیش از 5 سبک
.
#راه_شام
#گزورم_چولی_سیزیلدار_ایاقیم_یاراسی_عمه
#معزی_اردبیلی
#ترکی
.
#زبدةالاشعار
.
?: @nohe_torki