اربعین
..
..
#سبک_کرب_و_بلایت_عشق_منه …
با صدای حاج غلامعلی امامی
پخش‌کننده صوت
..
مصیبی تبریزی
..
..
گلدی باجون آغلار گوزیلن
سینه ده بیر دریا سۆزیلن
کوفه و شاماتی گزوب قبریوه گلسین
عطریوی آلسون بوکولن قدّی دوزلسین
..
..
..
قرخ گئجه گون سندن آرالی
چوللری من گزدیم ، یارالی
دوشدوم اگرچه مُحَن و جبر مزیده
اگمه دیم امّا باشیمی امر یزیده
..
..
..
چیخدی باشین تا نوک نِیَه
گلدی جداده طنطنیه
زینبیوین قانی جوشوب تنده حسین جان
چون آتامین غیرتی وار منده حسین جان
..
..
قوللاریما باخ شاه زمن
قمچی لرین باخ ردّینه سن
قویمامیشام قمچیه قیزلار قاشین اگسین
قوللاری وئردیم قاباقا تا منه دگسین
..
..
..
کیم بوسوزی قاموسه یازوب
قبریوی کیم ششگوشه قازوب
کیم سنی بو قبره قویوب گل دیله قارداش
کیم کفن ائتدی باجون ایکاش ئوله قارداش
..
..
..
شامیده قالدی نازلی بالان
قالما حسین اوندان نگران
قویمارام اوردا قالا تک نازلی رقیّه ن
منده گئدوب ایلیـَرم شامیده مسکن
..
..
..
قبرین ئوزوم قازدیم قیزیوین
غمدن آخان بیر اولدوزیوین
قانیوی واللهی رقیّن آلاجاقدی
تختیدن آخیرده یزیدی سالاجاقدی
..
..
..
هاردا یاتوب عباس علی
امّ بنینون پور یَلی
ساقی عطشانه دئنن اولما خجالت
قالدی قیزیم شامیده سن خواب ائله راحت
..
..
..
سو یرینه ای قانین ایچن
ریشۀ ظلم و جبری بیچن
وصلین ائدوب شهد ِ عسل زهر فراقی
دور یولا سال یثربه بو غملی قوناقی
..
..
..
ای حرمی ششگوشه اولان
دللره عشقی توشه اولان
ئوزمز الین بو قاپودان سائل طیّب
مست میِ عشقین اولوب کِلکِ «مُصَیـّب»
..
..
..
#اربعین
#گلدی_باجون_آغلار_گوزیلن
#مصیبی_تبریزی
#ترکی
#زبدةالاشعار
زبدة الاشعار 
: @nohe_torki . مرحوم میرزا محمد تقی قمری . توسن طبعیم غزل رزمینده میدان آختارور هرکس اول میدان رزمه ایتسه جولان آختارور . کشتى نظمیم چکوب اوج هوایه بادبان چوخ گچوب دریاچه لردنبیشتر
نظر دهید