گلدی دنیایه بو گون همسر زهرا #حیدریه

میلادیه حضرت امیرالمومنین (ع)
.
#زبدةالاشعار
.
: @nohe_torki
.
محمد حسین ابراهیم پور خوئی
.
گلدی دنیایه بو گون همسر زهرا
کعبه مولودیدی بو خادمی حورا
گل سپون ایاقینا گلدی امیروز
یوزی چون آی پاراسی اولدی دل آرا
گلدی رسوله یاور/گلدی ساقی کوثر
مولا علی علی حیدر۲
.
.
.
حسنینون آتاسی عالمه رهبر
دهری گلشن ائلیوب یار پیمبر
خانه ی امن الهیده گوز آچدی
سؤونوبدی بوگونی یکسره ائللر
گلدی امیر دلها/گلدی شافع عقبا
مولا علی علی حیدر۲
.
.
.
فاطمه بنت اسد مادر مولا
گتدی دنیایه اونی بانوی والا
خوش گلوبسن دئدی ای روحیمه ریحان
قلبیمه گلدی طرب سئوگلی بالا
گلدی دردیمه درمان/گلدی معنی قرآن
مولا علی علی حیدر۲
.
.
.
یاییلوب یئرله گویه نغمه ی شادی
حیدری سسلیور عشقیله منادی
باخدی احمد یوزونه اولوبدی شادان
دئدی بو گوزل بالا نور خدادی
گلدی قبلهٔ جانان/گلدی مظهر سبحان
مولا علی علی حیدر۲
.
.
.
بزنوبدی یکسره بو گونده جنت
دهره گوز آچدی علی کان شجاعت
گوره گر یوسف اونون صورت ماهین
بارماقین کسمسه واردی اوندا علت
گلدی همسر زهرا/گلدی امیر بطحا
مولا علی علی حیدر۲
.
.
.
مولد علی امیر مؤمناندی
شرف هردوجهان میر جناندی
کفو زهرادی بو شه ای اهل عالم
دین و قرآنه یقین روح و رواندی
گلدی باشیمه افسر/گلدی لالهٔ احمر
مولا علی علی حیدر۲
.
.
.
#سبک_با_تو_بودن_و_نبودن
#سبک_سیاه_و_سپید
.
.
#حیدریه_میلادیه
#گلدی_دنیایه_بو_گون_همسر_زهرا
#ابراهیم_پور_خویی
#ترکی
.
#زبدةالاشعار
.
: @nohe_torki