به یاد مرحوم استاد حاج داود بیدقداری
.
.
مژده اردبیلی
.
.
گلشن عشقیده کی بلبل خوشخوان گئتدی
محضر یار لب عطشانه پریشان گئتدی
.
بزم عرفانه قدم قویدی نوا ائتدی مدام
دیلده یارب سوزی اربابینه مهمان گئتدی
.
دیده پرنم شه گلگون کفن عشقه مرید
پیکر بزم عزادن دیئسن جان گئتدی
.
گرچه دنیای فنادن یازیلیوب گئتمه گیمیز
آرامیزدان ولی شایسته بیرانسان گئتدی
.
خادم مخلص سلطان لب عطشانیدی
محضر یاره اودور دیده سی گریان گئتدی
.
عندلیب چمن غصه نفسدن دوشدی
آیری گلزارَ غم افزایه شتابان گئتدی
.
گئتدی تا روضه طاهاده قیامت سالسین
اودی جنّات خداونده شتابان گئتدی
.
وئرمه دی فرصت اجل پوزدی پریشان حالین
سیل غم گوزدن آخان وقتیده نالان گئتدی
.
یوخ سوزوم صبح و مسا نوحه دیوب أغلاردی
(مژده )ی وصلت آلوب سینه سی سوزان گئتدی
.
بسدیر ای خامه دایان فاطمه گلزاریندن
(داور) آدلاندی چو(داوود) خوش الحان گئتدی
.
.
#بیدقداری #مژده_اردبیلی #ترکی #زبدةالاشعار
زبدة الاشعار 
: @nohe_torki . هدایت تبریزی . ای سرور عالم یارالی سر سنه قربان باش گوز سنه قربان کسیک اللر سنه قربان . . چوخ ایستیری گویلوم سنی جان اوسته گوریدیم آخر نفسمده سنی درکبیشتر
نظر دهید