گلور خیالیمه بیر ماجرا ایدیم اظهار #پیامبراسلام_حامد_تبریزی

پیراهن پیامبر(ص)
گریز به پیراهن امام حسین (ع)
.
زبدة الاشعار
.
: @nohe_torki
.
مرحوم علی اکبر حامدی تبریزی
.
گلور خیالیمه بیر ماجرا ایدیم اظهار
صریحدور بلورم معتبردی صحتی وار
.
نشان ویروم یرینی هر او کس که طالبیدی
یازان کتاب «ریاض الحسین» صاحبیدی
.
بیله یازار که پیمبر جهانی ترک ائتدی
قویوب قالانلارینی دیده تر اوزی گئتدی
.
مباشر اولدی علی غسل و کفن طاهایه
موثر اولدی آتا هجری بسکه زهرایه
.
گلردی ناله و فریاده سینه داغلاردی
سرشک چشمین اوزه سیل وار باغلاردی
.
باساردی باغرینا پیراهنین او زار و حزین
بابا بابا دیوب ایلردی دلدن آه و انین
.
دیردی قالدی عجب دلده داغ هجرانون
محالیدور یوزی گلسون جهاندا زهرانون
.
بو پیرهندن آلوب عطرون آغلارام سنه من
سن ئولدون ای بابا یتدی مرادینه دشمن
.
گوروب که شیر خدا اول حبیبۀ داور
باخور او کوینگه آغلور مدام شام و سحر
.
آخور سرشکی یوزه ویرموری امان بیر آن
امام او کوینگی ائتدی لحکمته پنهان
.
که بلکه ناله دن اسکات اولا او دل رنجور
آز ایلیه آتا هجرینده داد و شیون و شور
.
گچیتدی بیر نچه گون فاطمه بو حالیله
گیئچردی گونلری امّا غم و ملالیله
.
گوروبکه دوزمور اؤرک اود نهادینه دوشوری
الولاشور اورگی جدّی یادینه دوشوری
.
گینه عم اوغلوسونا سویلوب اول دل آزرده
که لطف قیل آتامین کوینگین گوروم بیرده
.
امام او کوینگی ویردی دوباره زهرایه
فغان و شیونی اوج ایتدی سطح غبرایه
.
همینکه باسدی آتا کوینگینی سینه سینه
آچیلدی بیر قاپی درد و بلا خزینه سینه
.
دوتوب شراره دلی باسدی جان تک آغوشه
اؤوشدوروب ئورگین گلدی غملری جوشه
.
زبس بابا دیدی آه و فغان و داد ائتدی
غرض او کوینگین اوستنده هوشیدن گئتدی
.
اگرچه فاطمه نین درد و محنتی چوخیدی
او پیرهنده ولی نیزه اوخ یری یوخیدی
.
تعجبم بونا صبر ایلدی نجه زینب
گورنده قارداشینین قانلی کوینگین یارب
.
دیار شامیده اول گونکه رد غارت اولوب
دوباره عترت پیغمبره قیامت اولوب
.
همینکه شمر گتوردی او اوخلی پیرهنی
دوباره محنته سالدی بنات شه زمنی
.
گوروب او کوینگی علیا مکرمه یاندی
شرر دوتوبدی سراپا وجودی اودلاندی
.
گلوب نوایه سپهره اوجاتدی بانگ درای
دیردی وای یارالی جان ویرن حسینیم وای
.
گل ای یارالی اولان غسلی جسمینین القان
بو اوخلی کوینگیوه زینبین اولا قربان
.
.
#پیامبراسلام_شهادت
#فاطمیه_شهادت
#کوچ_شام
#گلور_خیالیمه_بیر_ماجرا_ایدیم_اظهار
#حامد_تبریزی
#ترکی
.
#زبدةالاشعار
.
: @nohe_torki