گلور عراق عربدن نوای شور حجاز #کوفه_دخیل

حالات کوفه
..
..
..
مرحوم دخیل مراغه ای
..
..
..
گلور عراق عربدن نوای شور حجاز
که گوشه گوشه اولوب نغمۀ حسینی ساز
..
اولوب مخالفه مغلوب بیر شه منصور
یر اوسته امر همایونیلن سپر انداز
..
خلاف شرع سلوکی زبس طریقت اولوب
حقیقت اهلین ایدوب دستگیر قوم مجاز
..
گوتوردولر طرب اسبابی اهل لهو و لعب
عراق اهلی حجازیلری ایدوب پیشواز
..
زمین و بامی تماشاچیلر ایدوب مملو
صدای زیر و بمیله دولوب نشیب و فراز
..
ایدلَّه ولوله اویناللا لولیان کج کج
یانوب اوخوللا حرم راست راست سوزوگداز
..
قاباقدا سربسرایلله اوجدن ناله
چکنده نیزه ده پَسدَن سر حسین آواز
..
گهی کسر سسینی گه اوجا اوخور گویا
بزرگ و کوچکینه شوریله ایدر شه ناز
..
مباد که آدینی خارجی قویا کفار
اوخوری آیه که اسلامینی ایده ابراز
..
نفاقی اهل جفا چوخ چوخ ایلیوب ظاهر
نقدر ظاهر ایدوب چوخ کرامت اعجاز
..
امام اسیریدی عالم اطاعت واجب
امام عصری اسیر ایتماقا ندور بو جواز
..
خطائیلن حرم آهوسی چون غزال ختا
اولوب شکارسگ و صید خرس و گرگ و گراز
..
دوتوبلا اَل قوشی تک اهلبیت اوشاق لارینی
اودم که الده قرا گوزلرین گوروب شهباز
..
اوزی کمنده دوشوب بوینونا ووروب زنجیر
که ایتمسونله اوشاقلار توهّم پرواز
..
بویوندا حلقۀ زنجیر قوللاریندا طناب
ولیّ مطلق اولوب اهل قیددن ممتاز
..
ایدردیلر هامو بی پرده، پرده ده ناله
ولیک گوزیاشی از بس آخوب اولوب غماز
..
دوتوب طریق مواسات، قیدده اخوات
بیری کَسَر او بیری آغلاماق ایدر آغاز
..
زبسکه آغلادیلار سس بأتوب یاتوب نفخات
ویروب نفس نفسه بیر بیره اولوب دمساز
..
بو نحو کیمسه سفر ایتمیوبدی ناراحت
نه محمل و نه کجاوه نه بیر پلاس و جهاز
..
گورنده بیراوشاقی آغلوری بیر آزاوجادان
چکوب سالوردی یره ناقه دن اونی جَمّاز
..
یوماردی گوزلرینی قوزیان زمان الینی
بوزینه سیلی وراردی ایدنده آغزینی باز
..
باخوب او عالمه سجاد هیچ دانشمازدی
ایدردی حقّیله اما گوگلده راز و نیاز
..
گوروب او حالتی آغلاردی نازنین بالالار
دخیل کوته ایله کوته اولدی نقل دراز
…
…
…
…
#کوفه #دخیل #ورود_شام_دخیل #ورود_شام #ترکی #زبدةالاشعار