در شهادت حضرت رقیه (س)
..
..
..
مرحوم حاج محمد ابراهیم ذوقی تبریزی
..
..
..
گلون گلون بالام ئولدی دوتون عزا بالاما
عزاسی خوار اولا سیز گورمیون روا بالاما
.
وطندن ائلدن ال اوزدی خرابه ده قالدی
بو غربت ئولکده یوز ویردی ابتلا بالاما
.
ویروبدی جان قوری توپراقلار اوسته حسرتیله
سزادی آغلیاسوز سیزده بر ملا بالاما
.
حجاز بلبلی دی سیز بو شام شهرینده
گلون نوایه ائدون شوریله نوا بالاما
.
مریضدی بالامین اولمادی بولن مرضین
نه بیر طبیب تاپیلدی نه بیر دوا بالاما
.
وورا وورا بالامی ساربانلار ئولدوردی
ئولونجه آغلاسام آزدور یانایانا بالاما
.
گلنده شیونه دشمن ویراردی قمچی اونا
ترحم ائتمزدی قوم اشقیا بالاما
.
دولاندی باغری جفادن چو لاله قان اولدی
زبسکه ایتدی جفا فرقه جفا بالاما
.
دیردی عمه هانی قارداشیم عم اوغلوم عموم
اولوردی مد نظر خویش و اقربا بالاما
.
بابا دیردی سیز یلداری دائم آغلاردی
تسلی بیر ویرن اولمازدی بینوا بالاما
.
علی اکبر ادین سالمادی بیر آن دلدن
ئولونجه ورد زبان اولدی وا اخا بالاما
.
علی اصغری هر دم گورردی رویاده
دیردی یوز نه ویروب محنت و بلا بالاما
.
سالوب خیاله بو نسگیلرین اوزوم یانانم
نقدر وار نفسیم ائلرم بکا بالاما
.
گیدوب کنار مزارینده #ذوقیا سویله
گلون گلون بالام ئولدی دوتون عزا بالاما
.
#حضرت_رقیه_شهادت
#گلون_گلون_بالام_ئولدی_دوتون_عزا_بالاما
#ذوقی_تبریزی #حضرت_رقیه
#ترکی
#زبدةالاشعار
زبدة الاشعار 
: @nohe_torki . #علی_تیموری اردبیلی . یازیلدی دفترعشقه گرک گورسون بلازینب بلایه توش اولان وقت ایلسون حمدوثنازینب . ائلیکه اولدی بش سنی بلایه اولدی آماده گوره حقّینبیشتر
با سلام در وداع اخر امام حسین ع قطعه جالبی از حاج محمد ابراهیم ذوقی با منظوم (بابا گیتمه ) هست که در صورت موجودی التماس دعا دارم برام لطف کنید :
بابا !!!
بیر گیتمه سپوم اشگمیلن سو یولون اوسته *فرش ره ایدوم ساچلاریمی دسته به دسته
قوی عزت شاهانه اولا ای شه خسته *بو گوز یاشی بو زلف پریشان بابا گیتمه ….
سلام و احترام ان شاءالله در اسرع وقت تایپ و در سایت ارسال خواهد شد