گلیر مرغ دلیم صبح و مسا فریاده یا زهرا #فاطمیه_فریدی

حالات حضرت فاطمه زهرا (س)
..
..
..
..
حاج علی اصغر فریدی
..
..
..
..
گلیر مرغ دلیم صبح و مسا فریاده یا زهرا
سنین دوشدوکجه اندوه و ملالین یاده یا زهرا
..
..
..
..
او گونکی رحلت ائتدی بو جهاندان حضرت طاها
سنین غمدن گؤزونده صبحون اولدی بیر شب یلدا
ستمله قانه دوندی اشک چشمون ای ملک سیما
بو قدر وارکی خوش گون گؤرمدون دنیاده یا زهرا
..
..
..
..
امانت تاپشوروب گئتدی سنی بو امّته جدین
منافقلر امانتین مراعات ائتمدی حدین
سنه چوخ جور و ظلم اولدی بوکولدی سرو تک قدین
سنین تک بیر بلاکش گلمه ییب ایجاده یا زهرا
..
..
..
..
بابان گئتدی الیندن درد هجرانه دوچار اولدون
قاپین یاندى قولون سیندى بولود تک روز و شب دولدون
بالان سقط اولدی بطنینده سارالدون گل کیمی سولدون
گله نیسگیل لرین ممکن دگیل تعداده یا زهرا
..
..
..
..
امان اول وقتدن ثانی طریق حقّدن چیخدی
در و دیوار آراسیندا سنی ای مه لقا سیخدی
نئجه ووردی سنی توپراقلار اوسته ظلمیله یخدی
چاغردین اؤز کنیزین فضّه نی امداده یا زهرا
..
..
..
..
بویوردون دورما گل فضه نئجه گؤر دلفکار اولدوم
بویاندیم قانه ظلمیله اؤزومده زخمدار اولدوم
یخیلدیم معجریم دوشدی باشمیدان شرمسار اولدوم
ملک لر داده گلدی عالم معناده یا زهرا
..
..
..
..
گئدیب فضّه خبر وئردی عم اوغلون گلدی ایمداده
سنی بو حالیده گؤردی پوزولدی گلدی فریاده
عباسین گوتدی سالدی باشیوه بیر ائیله اثناده
اولوبدور انتقامون آلماقا آماده یا زهرا
..
..
..
..
تحمّل ایلمک مشگلدی بو ایذالره دؤزدی
سالیب پیغمبرین فرمایشین یاده او شه دؤزدی
رضای حیّ اعلانی توتوب ثانی دن ال اؤزدی
نه قدری صبر وار گؤر اول شه والاده یا زهرا
..
..
..
..
على گؤردی قیلیج چکمیر گلوبدیر جرأته ثانی
ریاست توولادی دنیانی توتدی داندی قرآنی
یداللهی ائدوب مغلول اول شومی جفاکانی
گلیبدیر قدسیان فریاده بو ایذاده یا زهرا
..
..
..
..
اویاندون غشوه حالیندن سن ای نالان دل خسته
عم اوغلون قوللاری گؤردون طنابیله اولوب بسته
آلیب روباهیلر شیرین کنارین دسته بدسته
دوروب شه دامنیندن دوتدون اول اثناده یا زهرا
..
..
..
..
بویوردون قویمارام هرگز عم اوغلوم مسجده گئتسین
بو شه دن بیعت آلسون ثانی اوز مقصودینه یئتسین
بو فکره دوشدی قنفذ اوز جفاسین آشکار ائتسین
گلوب داده پیمبر بو غم عظماده یا زهرا
..
..
..
..
او ظالم بیر جفا ائتدی جهانی یاندریب یاخدى
یخلدین سن عم اوغلون حسرتیله بیرسنه باخدی
چکیب بیر آه دلدن گؤزیاشی رخسارینه آخدی
ئؤلونجه آغلادی سالدی او حالی یاده یا زهرا
..
..
..
..
خلاصه بیعته چکدی او شاهی فرقۀ اعدا
قولى باغلی آیاق اوسته دایاندی اول شه والا
دؤزوب هر محنته دین مبینی ائیلدی برپا
بو حالی ارث قویدی سیّد سجاده یا زهرا
..
..
..
..
امام ساجدینی اهل کوفه چکدیلر شامه
ایشیق گوندوز گوزونده جور اعدادن دونوب شامه
نه لر چکدی او یوللاردا یئتیبدیر دشمنی کامه
برهنه ناقه اوسته سسلدی فریاده یا زهرا
..
..
..
..
اوتوز بئش ایل آتاسیندان سورا عمر ائتدی دونیاده
ولی هاردا سو گؤردی تؤکدی گؤز یاشین گلیب داده
اونیله اولدی هم ناله بو غمده آل طاهاده
بیر عمری باتدی یاسه یثرب و بطحاده یا زهرا
..
..
..
..
فریدی نوکروزده چوخ پریشاندیر یوزی گلمیر
دینمیر بیر کسه دردین مرامین بیر نفر بیلمیر
ولی سیزدن سورا هرگز گمانی بیرکسه گلمیر
عنایت ایلیین چوخ اولماسین افتاده یا زهرا
..
..
..
#فاطمیه #فریدی #فاطمیه_شهادت #ترکی #زبدةالاشعار