گل ای گوگل اوتوراق نازلی یارِدن دانیشاق #مهدیه_منتظری

یا مهدی
.
#زبدةالاشعار
.
: @nohe_torki
.
محمد علی منتظری شریف آباد
.
گل ای گوگل اوتوراق نازلی یارِدن دانیشاق
بیر آیری سوز دِمِیاق تک نگارِدن دانیشاق
.
خیال ائوئنده چکاق عکسین احترامیله
گلی خجالت ائدن گلعذارِدن دانیشاق
.
کماندی ائکی قارا قاشی کپرِکی اوخدی
اولان او اوخلارا حسرت شکارِدن دانیشاق
.
اوجا بویینه اوجا سرولر ائدرتعظیم
ایکی کلاله ی عنبر نثارِدن دانیشاق
.
اوزینی غنچه کمی گیزلدوب ندورعلّت
مین ائلدن آرتوق اولان استتارِدن دانیشاق
.
دیاق هاچان گله جاق هجراودی اولاخاموش
یانان قانا دولانان قلب زارِدن دانیشاق
.
دیوبدی کلّ ِ خِرَد افضل عبادتدی
عبادت اهلی اولاق انتظارِدن دانیشاق
.
جهانیانه ائداق افتخار وصلوندن
فراقِدن دِمیاق اذن بارِدن دانیشاق
.
چکن هواسی مسیحانی عرشدن فرشه
وَجِیهِ درگهِ حق شهریارِدن دانیشاق
.
گئچن حسابی پوزاق اَشکله نِدامتله
اطاعتونده گلن روزگارِدن دانیشاق
.
ئولونجه باخ یولونا« منتظِر» امیدیله
یورولما گل گنه شعروشعارِدن دانیشاق
.
#مهدیه_منتظری
#گل_ای_گوگل_اوتوراق_نازلی_یاردن_دانیشاق
#ترکی
.
#زبدةالاشعار
.
: @nohe_torki