گل باجی زینب جگریم یاندی گل #اصغریه_صحاف_تبریزی

زبانحال امام (ع)درشهادت حضرت علی اصغر (ع)
..
..
..
#سبک_نطقه_گل_ای_شاه_شهیدان_حسین
#سبک_ای_باشی_سرنیزده_معراج_ایدن
..
..
..
مرحوم صحاف تبریزی
..
..
..
گل باجی زینب جگریم یاندی گل
اللریم اوسته بالام اوخلاندی گل
..
..
..
شعلۀ آهیمده ز بس وار اثر
وار یری سالسا دل کونه شرر
ویرمه ربابه باجی بیردن خبر
گل باجی زینب جگریم یاندی گل
..
..
..
بو غمی هر کیم سنه آسان سانا
آتش محنتده منیم تک یانا
گورمیه اوغلون بیله هیچ بیر آنا
گل باجی زینب جگریم یاندی گل
..
..
..
قالمیشام اؤز حالیمه حیران اؤزوم
ابر بهاران کیمی آغلار گوزوم
خیمه لره گلماقا گلمور یوزوم
گل باجی زینب جگریم یاندی گل
..
..
..
ایلر او ساعت که قیامت قیام
محشره گلّم الیم اوسته بالام
حرمله دن آلّام اؤزوم انتقام
گل باجی زینب جگریم یاندی گل
..
..
..
باتدی سوسوز قانه هامی یاوریم
قاسم و عباس و علی اکبریم
..
..
..
آلدیم ال اوسته بو قمر طلعتی
گوردیم عطشدن سارالوب صورتی
حالیمی پوزدی پوزولان حالتی
گل باجی زینب جگریم یاندی گل
..
..
..
ایسّی هوا شدت سوز عطش
لبلری خشکیده یانان غنچه وش
گاه گلوب حاله گه ایلردی غش
گل باجی زینب جگریم یاندی گل
..
..
..
حجّتی اتمام ایلدیم لشگره
قالمیا بیر سوز یری تا محشره
آهیم اودی سالدی شرر دللره
گل باجی زینب جگریم یاندی گل
..
..
..
من آنامی ، جدّیمی ویردیم نشان
کیمدی آتام قارداشیم ایتدیم بیان
خارجی فرض ایتمیه لر کوفیان
گل باجی زینب جگریم یاندی گل
..
..
..
یاندیلا دلدن پوزولان حالیمه
آغلادی دشمنلریم احوالیمه
چکدیله نقشه عدم آمالیمه
گل باجی زینب جگریم یاندی گل
..
..
..
حرمله آلدی اله تیغ وکمان
سو یرینه اصغره ایچدیردی قان
ویردی بالام اللریم اوستنده جان
گل باجی زینب جگریم یاندی گل
..
..
..
اوخ دیمه بیر آتش سوزانیدی
زهرلی اوچ شعبه لی پیکانیدی
تشنه بالام قاننه غلطانیدی
گل باجی زینب جگریم یاندی گل
..
..
..
ظلمله قان اولدی دل مضطریم
تشنه لب اوخلاندی علی اصغریم
گورنجه قانه بویانوب اللریم
گل باجی زینب جگریم یاندی گل
..
..
..
چخدیم او نوعیله اؤزومدن باجی
خون دلیم آخدی گوزومدن باجی
حالیم عیاندور بو سوزومدن باجی
گل باجی زینب جگریم یاندی گل
..
..
..
گور نجه سو فکرینی باشدان آتوب
مقصدومقصودینه دلدن چاتوب
آغلاموری دینموری راحت یاتوب
گل باجی زینب جگریم یاندی گل
..
..
..
ایستدی خشنود ایده جانانینی
بوشلادی بی کس آنا پستانینی
امدی باجی حرمله پیکاننی
گل باجی زینب جگریم یاندی گل
..
..
..
غنچه گولوم ظلمیله خندان اولوب
زلفی یوزی قانیله الوان اولوب
محنت و غمله جگریم قان اولوب
گل باجی زینب جگریم یاندی گل
..
..
..
آل باجی جان بو جگریم پاره سین
زلفوله باغلا اؤزون یاره سین
ظلمیله بوش قویدولا گهواره سین
گل باجی زینب جگریم یاندی گل
..
..
..
ساخلاعلی اصغره «صحّاف» عزا
توک یوزه گوز یاشوی صبح ومسا
سر سخنون ایله مکّرر ادا
گل باجی زینب جگریم یاندی گل
..
..
..
#اصغریه #صحاف_تبریزی #اصغریه_شهادت #ترکی #زبدةالاشعار