گل بو شهره زینبه ایله عنایت یاحسین #خرابه_شام_رهبری_تبریزی

زبانحال حضرت زینب (س) درخرابه شام
..
..
..
..
مرحوم رهبری تبریزی
..
..
..
..
گل بو شهره زینبه ایله عنایت یاحسین
شامده ویرانه ده اولموش قیامت یاحسین
..
..
..
..
حالیمه قارداش یانان یوخ شهر شوم شامده
قالموشام ویرانسراده دید خوار عامده
پرشکسته قوشلارون تنگه گلوبلر دامده
درد الیندن تاپمورام بیر دم فراغت یاحسین
..
..
..
..
درد و غملر زینبون سالموش ایاقدان برملا
عترت آل على شام و سحر ایلور نوا
زینبون الدن آلور صبرین بو ایستکلی بالا
بیر گئجه اولموب یاتا بو یرده راحت یاحسین
..
..
..
..
سن نجه تاپشورموسان سوز ویرمیشم گوز اوسته من
دل شکسته کاروانه اولموشام سردسته من
چکموشم هر تک تکین نازین گر اولسام خسته من
ایتمرم اصلا بو غملردن شکایت یاحسین
..
..
..
..
گون ایوی ایسی هوا یوخ باشیم اوسته سایبان
خسته یورقون عترتین قالموب اورکلرده توان
هامّودان آرتوخ اولوب نازلی رقیّون باغریقان
اولموشام بو قیزلاروندان من خجالت یاحسین
..
..
..
..
سایه سی دیوارون اولسا او یره سایه سالار
سایه سی گر اولماسا نه گُلسِتان نه گُل قالار
گلشنه باخدو قجا بلبل من کیمی غمگین اولار
گللرینده قالمادی اصلا طراوات یاحسین
..
..
..
..
ظلمونی ویردی نشان دنیایه بو قوم جَفا
گون ایوینده قالدی گل یوزلی بنات مصطفا
طاقتی اولماز بو ظلمه صبر ایده خردا بالا
سلب ایدر خردا اوشاقدان تاب و طاقت یا حسین
..
..
..
..
قیزلارا باخدوقجا قلبیم غصه دن آلقان اولور
غصّه و غمدن خلاصی سانما بیر امکان اولور
اهل شام ایلور شماتت قیزلارون گریان اولور
شامین اهلی زینبه ایلور شماتت یاحسین
..
..
..
..
هر آنا یاد ایلوری دلده گذشته گونلرین
ایلوری گوزده مجسم پر پر اولموش گللرین
ایلیوم راحت نه نوعی تپراق اوسته یرلرین
قیزلارون داده گلوب اولمولّا ساکت یاحسین
..
..
..
..
شمع حق سنسن باجون شمع حقین پروانه سی
بو شبستانه دوشوبدور فاطمه ریحانه سی
قلبیمی قان ایلوری شامین حسین ویرانه سی
شامین اهلی قیزلارا ایلور اهانت یاحسین
..
..
..
..
شامین اهلی خارجی سسلور بنات حیدره
قیزلارون آه و فغانی اوج ایدوبدور گویلره
گون ایوی گرد خرابه قونموش آخر یوزلره
گون قباقینده قالوب آل رسالت یاحسین
..
..
..
..
صبر ایدم دلدن گرگ بو غملرون یوخ چاره سی
اولموشوخ بیر سلسله بو چوللرون آواره سی
سینسیدور زین العبادی لیک زنجیر یاره سی
تاپموری بیر آن او زحمتدن فراغت یاحسین
..
..
..
..
زینبون یازموش دلینجه (رهبری) بو نوحه نی
هر ایکی دنیاده قارداش دادینه سسلر سنی
سندن ایستور کربلا اما خطاب ایلور منی
ایسته گلسین قبریوی ایتسون زیارت یا حسین
..
..
..
..
#خرابه_شام #رهبری_تبریزی #ترکی #زبدةالاشعار