گل خیمه لر تالاندى یا سیدالائمه #حسینیه_یحیوی_اردبیلی

#کرب_و_بلا_چولونده
#عاشورا_گونی
رجز مخصوص ظهر عاشورا
..
..
#سبک_احوالیمیز_یاماندی
..
..
مرحوم یحیوی اردبیلی
..
..
..
..
گل خیمه لر تالاندى یا سیدالائمه
بیمارون اوتدا یاندی یا سیدالائمه
..
..
..
..
شمرون الینده خنجر خون خدایه باتدی
زهرا او قانى دوتسون گوداله معجر آتدی
زینبده تلّون اوسته باشدان الین اوجاتدی
بیر قاچدی بیر دایاندی یا سیدالائمه
..
..
..
..
یاتما نجف چولونده گل گور نه وار مناده
قربانلارون کسیلدى قان داشدی کربلاده
طوفان ظلمه دوشدی غرق اولدی خانواده
عالم قرا بویاندی یا سیدالائمه
..
..
..
..
هر آن یاغار یئر اوسته گون کوره سیندن آذر
قوملار قیزوب یاپشمیش قان یاره لرده قینر
بو حالیده حسینه لازمدور آب کوثر
سو تئز گتور اماندی یا سیدالائمه
..
..
..
..
گل قویما ذوالفقارون الدن اله یتیشسون
میراث انبیانی اغیار الینه دوشسون
اهل حرم اسارت چنگالینه ایلشسون
ظهر اولدی ایش دولاندی یا سیدالائمه
..
..
..
..
سیل تک توکولدی لشکر یوخدور اونون حسابی
باغلاندی کربلاده ظلم و بلا کتابی
شاهانه خیمه گاهون پیراهن و طنابی
دوغراندی پارچاندی یا سیدالائمه
..
..
..
..
دشمن سویوب آپاردی خرگاه شاه دینی
زنجیره باغلیوبلار اطفال نازنینی
زینب اولوب حسینون گویا که جانشینی
سلطان کارواندی یا سیدالائمه
..
..
..
..
قاتل سالوب یوز أوسته مظلوم کربلانی
آرخاسی اوسته دوندر مذبوح من قفانی
گل رو به قبله ایله بو محترم فدانی
آخر وضوسی قاندی یا سیدالائمه
..
..
..
..
اول باخبر حسینون بیحد یاره سیندن
سینه یاراسی چوخدور چرخون ستاره سیندن
دریای قتلگاهه اعضای پاره سیندن
قان سو کیمی رواندی یا سیدالائمه
..
..
..
..
آتلاره نعل تازه ووردولا اشقیالر
محو ایله سونله نعش سلطانی چارپالر
تئز درک ائله حسینی بلکه او بی حیالر
گوردی سنی اوتاندی یا سیدالائمه
..
..
..
..
بلبل لرون داغیلمیش صحرایه دسته دسته
گلزاری ترک ائدوبدور مرغان پرشکسته
گرد و غبار انوندور افسرده گللر اوسته
گلشن سولوب خزاندی یا سیدالائمه
..
..
..
..
کم ائتمه یحیوی دن انعاموی اماندی
عشقوزده باغلانوبدور زنجیره چوخ زماندی
یعنی سیزون قاپوزدا شاعردی نوحه خواندی
هم کلب آستاندی یا سیدالائمه
..
..
..
..