گل سیدی گل دوشدی باشیم اللره قارداش #عباسیه_حضرتی_هاتف

استمداد حضرت ابوالفضل (ع)
..
..
..
..
حضرتی (هاتف آذرشهری)
..
..
..
..
گل سیدی گل دوشدی باشیم اللره قارداش
باخ یاره لی باش اوسته قوپان محشره قارداش
..
..
..
..
تأخیر ائلمه السيزم امدادیمه تئز گل
قاتل باشیم اوستونده دوروب دادیمه تئز گل
چات دشمن ایچینده آقا فریادیمه تئز گل
قويما بو امانت دوشه تا اللره قارداش
..
..
..
..
خوش دوشمز اگر دلبر اولا دل قالا يالقيز
آی چیخماسا گویده نیه لازم اولار اولدوز؟
قارداش دا اگر اولماسام ای ماه شب افروز
اربابه بو خوشدور چکه باش نوکره قارداش
..
..
..
..
شرمنده یم اوندان که دئمیشدیم گوزوم اوسته
وئردیم ایکی قول چیخمادیم اما سؤزوم اوسته
دوشدوم او زمان که یئره السیز یوزوم اوسته
گؤردوم توکولوب قول و قراریم یئره قارداش
..
..
..
..
اوخ مشکه که دگدی داخی دنیادن ال اوزدوم
هر اوخ که گلوب یوخ دئمدیم سینه مه دوزدوم
سوزدوقجا سو گؤز یاشیمی رخساریمه سوزدوم
قبریمده ده آغلار بو گوزوم یکسره قارداش
..
..
..
..
دولموشدی باشیم بادۀ عشقیله لبالب
بیر عشق حسین بیرده که تاب و تب زینب
مستیدی ایاقدان باشا عباس مرتب
گل ایندی ولی ائت نظر اول ساغره قارداش
..
..
..
..
گل گور نه قیامت ائلیوب جام شکسته؟
بیر وضعیدی قارداش قالانوب ال الین اوسته
حراجه قویوبلار باشیمی گل اوزون ایسته
اون یددی نفر مشتریدی بیر سره قارداش
..
..
..
..
تئز گل اؤزوی ساخلا مینن وقتده رکابه
حتى دئمه گوردوم که علم دوشدی ترابه
ترک ایلمه میش خیمه وی مندن دئ ربابه
عباسی گذشت ایله سنی حیدره قارداش
..
..
..
..
سقا آدی خوشدی ولی جامیمده سو یوخدی
عباسی خجالت ائلین تکجه بیر اوخدی
دوزدی بیلیرم خیمه ده عطشان بالا چوخدی
یانّام ولی گل تک سارالان اصغره قارداش
..
..
..
..
احوال رقیه اؤزی بیر آیری حسابدی
بیر جمله ده گلمز باشا بیر غملی کتابدی
اصغردن اؤتور اوچ گئجه دی قلبی کبابدی
جان قارداشا، جان معرفت خواهره قارداش
..
..
..
..
مین «هاتف» اولا عشقیمیزین سرّینی بیلمز
بو باش داخی سندن سورا بیر خلقه اگیلمز
بو قان که باشیمدان آخور هیچ کس اونی سیلمز
جز این که حمایت ائده ال گوزلره قارداش
..
..
#عباسیه #حضرتی_هاتف #عباسیه_شهادت #ترکی #زبدةالاشعار