وداع و شهادت حضرت علی اکبر (ع)
.
#زبدةالاشعار
.
: @nohe_torki
.
مرحوم شانی تبریزی
.
گل عشقی الفت ایدر عندلیب زاریله
اودور فراقه دوزر فکر نو بهاریله
.
هزار محنت ایّامه بیر دل اولماسا توش
نه نوعی همدل و همدرد اولور هَزاریله
.
او هانسی گلدی که اولسون برابر اکبریله
گلون نه نسبتی واردور او گلعذاریله
.
کیمون سراغی وار هانسی چمنده بیر بلبل
که هم ترانه اولا لیلی فگاریله
.
گورنده نو گلنون نوبت خزانی یتوب
مدار گردش و ایّام و روزگاریله
.
دل اولمادی دانیشا نطق سیز دوروب باخدی
او سرو قامته حسرتلی بیر نظاریله
.
تصوّر ایله پوزولماز او حالده اکبر
غریب آناسنی گورسه او حال زاریله
.
باخوب آناسنا حسرتله ایلدی افسوس
پیاله تک او دولان نرگس خماریله
.
دئسم غلط دگی آغلوب آناسین آغلاتدی
سوزون یتوردی اونا چشم اشکباریله
.
که یعنی ای آنا منده قتاله گتمه لیم
دایان فراقمه دوز سنده اصطباریله
.
دیدی اجازه ویروب شهریار یوخدی سوزوم
دگل مخالف آنان امر شهریاریله
.
دایانما گئت اوزیوی راه حقده قربان ائت
آناوی مفتخر ایله بو افتخاریله
.
چتیندی گرچه فراقون ولی گرکدی دوزم
مدار ایدم ستم چرخ کجمداریله
.
سنون وجودیویله من یاشاردیم عالمده
بو عترت و بو شرافت بو اعتباریله
.
گتور اورک باشنا قوی باشون ایدوم ساکت
بو مضطرب دلی اول زلف مشگباریله
.
علاوه شانه ایدوم سو سپوم سرشگیله
ندور گوزوم یاشنون فرقی جویباریله
.
یازیلا دیشره توکولموشدی اهلبیت هاموسی
وداع اکبر ایچون جمله آه و زاریله
.
بیری دیردی دایان بیر گوروم دویونجا سنی
کَسورسن ایمدی که الفت بو بیقراریله
.
بیری دیردی گتور بیر اوپوم ایاقوندان
فراق ضدّیدی عشّاقه ننگ و عاریله
.
گورون نه حاله قالور اوندا اکبرون حالی
گورنده آل عبانی او انزجاریله
.
علاوه شهده باخوردی او شور و غوغایه
اولوردی مُنفعل اکبر او سخت کاریله
.
گلوردی ال چکه قویموردیلار بالا بالالار
که صبر رام اولا بولمز دل صغارله
.
دیردی هر بیری بیر دیل اولوردی دردی زیاد
که آیریلوردی نئچه قلبی داغداریله
.
نه نوعی آیریلوب ایستکلی باجیدان آنادان
غریب آتاسی بولور حیّ کردگاریله
.
یولا سالاندا حسین هر شهیدی میدانه
وداع ایدنده هامی یار و جان نثاریله
.
وداع ایدردی اونی خیمه لر قباقنده
کنار اولانمادی دلدن بو دل کناریله
.
گیدوردی اکبریله روحی آیریلانموردی
اوزوندی مطلبی من گئچدیم اختصاریله
.
قویوب اوز اوغلونی میدانیده قایتدی آتا
دایاندی خیمه قباقنده انتظاریله
.
اوقدر کئچمدی بو کجمدار چرخ فلک
بروزه کینه نی ویردی او تاجداریله
.
ایشیتدی اکبری سسلورعَلیکَ مِنّی سلام
سوار مُرتجَز اولدی چوخ انکساریله
.
نه حالتیله گلوب اکبرون باشی اوسته
عیاندی مطلبی مقتلده اختباریله
.
گورنده پارۀ قلبین او قلب عالمیان
پوزولدی حال شریفی او چوخ وقاریله
.
شتابیله اوزینی ذوالجناحدن آتدی
داخی دورانمادی سلب اولموش اختیاریله
.
دیزی دیزی سورونوب تا جواننه یتدی
گونوز گوزونده بیر اولموشدی شام تاریله
.
آلوب او محتضرون باشنی دیزی اوسته
غریب کرب و بلا حال احتضاریله
.
باخان دیردی اوغول ئولمه میش آتا ئولدی
سیرده ایلدی جانین او جان سپاریله
.
گوروب باشی بولونوب مرتضی علی باشی تک
دولوبدی آغزنا قان قوزانان غباریله
.
او قدراوخ ویریلوب چاک چاک اولوب بدنی
نئجه که چاک اولی گل برگی نوک خاریله
.
باسوب اوغول باشنی اودلانان اورک باشنا
دوباره قلبی آلشدی او استناریله
.
بو غم اشدّیدی یافاطمه اوزون آغلا
عزیز جانوی گور حال ناگواریله
.
اوزاتدی رأفتیله ساربان کسن الینی
سیلوبدی دیشلرینی لطف بیشماریله
.
اگیلدی صورتنی قویدی قانلی صورتنه
بویادی صورت ثاراللهی او ثاریله
.
بو فکریله که گله بلکه بیر دیله دانشا
ایدوبدی درد دل آغاز او زخمداریله
.
دیدی قوتولدون على همّ و غمّ دنیادن
وحید قالدی آتان قوم نابکاریله
.
آچوب عباسینی سالدی او فخر آل عبا
یغوب او گل بدنی ذوق وصل یاریله
.
که یعنی چیده ایدر رسمدوربوگل طبقی
او باغبان که اولا الفتی نگاریله
.
.
#اکبریه_شانی_تبریزی
#اکبریه_شهادت
#گل_عشقی_الفت_ایدر_عندلیب_زاریله
#ترکی
.
#زبدةالاشعار
.
: @nohe_torki
نظر دهید