گل گوشۀ غربتده اوغول من ویرورم جان #کاظمیه_فکری_تبریزی

حالات حضرت موسی بن جعفر (ع)
.
#زبدةالاشعار
.
: @nohe_torki
.
مرحوم غلامرضا #فکری_تبریزی
.
گل گوشۀ غربتده اوغول من ویرورم جان
گوزلور یولوی گوزلریم آخر سنه قربان
.
.
هارون منی ایللر ایدوب آواره وطندن
قویموب خبر اولسون نه گلندن نه گیدندن
بو مدّتی قلبیم نگراندی بالا سندن
گل بو نگرانلوق گیده تا جان ویروم آسان
.
.
انصاف دور آیا وطنیمده ائلیم اولسون
جان گوشۀ غربتده ویروم نسگلیم اولسون
حسرت گوزومون مونسی خون دلیم اولسون
هجران ایلسون غنچه صفت باغریمی آلقان
.
.
ای قانه دونن قلبیمون آرام و قراری
مسموم ایلدی ظلمله هارون من زاری
گل بو دم آخرده باشیم اوستونه باری
بیر عمردی آرامیمى الدن آلوب هجران
.
.
غربتده اوغول یوخدی من بی کسه غمخوار
طغیان ایلیوب ظلمده هارون جفاکار
گل گوشۀ غمده ویرورم جان من بی یار
اگلش باشیم اوستونده تلاوت ایله قران
.
.
غربت غمی بیر دردیدی درمانی تاپولماز
بیر دفتر محنتدی که عنوانی تاپولماز
دریای مصیبتدی که پایانی تاپولماز
همواره او دریا متلاطمدی خروشان
.
.
عرشه اوجالار نالۀ جانکاهی غریبون
عالم لری اودلار شرر آهی غریبون
نه حاله قالار بیر بولر اللهی غریبون
بخصوص او غریبه یر اولا گوشه زندان
.
.
غرق ایستر ایده هر کیمی طوفان بلاسی
هر یرده سینا کشتی امید و رجاسی
آخر یتورر ساحله کشتی نی خداسی
هر مشکلی آسان ایلین قادر سبحان
.
.
راویدی مسیّب بوسوزه واردی خبرده
فرمایش امام ایتدی که دوتموشدی نظرده
چوخ ایستوری گوگلوم گورم اولادیمی بیرده
هجران اودی مدتدی ایدوب قلبیمی سوزان
.
.
عرض ایتدی مسیّب او شه کشور دینه
بغدادیله چوخ فاصله وار بین مدینه
ناگاه دوشوب کُنده و زنجیر زمینه
غایب نظریمدن اولوب اول حجت یزدان
.
.
بیر طرفة العین ایچره گلوب مقصده چاتدی
اوغلی قیزی معصومه نی آهسته اویاتدی
قول سالدی بالا بوینونا فریادین اوجالتدى
مین حسرت و اندوهیله اول خسرو خوبان
.
.
زنداندان اوغول یثربه گلدیم سنی گوردم
گل تک سارالان صورت معصومه نی گوردوم
اولادیمه باخدیم سارالان گلشنی گوردم
دولدورموش او گلزاری سولان لاله نعمان
.
.
قیزلاری گوروردوم آزالا بلکه خیالیم
آرتوب ولی قلبیمده اولان عمده ملالیم
گورجک منی غم بزمی قوروب اهل و عیالیم
زنجیر یرین گوردوله تا ایتدیلر افغان
.
.
بیر بیر بالالار ناله سی آرامیمی آلدى
بعضی یوخودا گورماقا حسرت منه قالدى
خاصه منی بیر غصّه ایاقدان ایله سالدى
اولاد غمی سوزش دل نالۀ پنهان
.
.
بو رسمدی هر کیمسنه آیریلسا وطندن
واردور یری آیریلسا اونون روحی بدندن
ال چکمدیلر سوز دلیله داخی مندن
جدّیم او زمان یاده دوشوب ایلدیم افغان
.
.
اطفالدن آیریلماقی چوخ پوزدی او شاهی
هم یالقوزیدی هم یوخودی میر سپاهی
انجم کیمی دور ایلدی اطفالی او ماهی
همناله اولوب ایلدیلر ناله فراوان
.
.
شور اوسته گلوب سالدیلا بیر شور عراقه
بعضی سی دیردی بیزی یاندورما فراقه
بعضی سی دیردی منی آل بیرده قوجاقه
آرام اولا تا قلبیم ایا شاه شهیدان
.
.
فکری بودی (فکرینون) اولا روز قیامت
بو نوحه الینده اولا اسباب شفاعت
نایل اولا مقصوده تاپا فیض سعادت
گر دفتر عصیانه وورا حق، خطِ غفران
.
.
#سبک_ای_باد_صبا … 7 سبک
.
.
#کاظمیه_شهادت
#گل_گوشه_غربتده_اوغول_من_ویرورم_جان
#ترکی
.
#زبدةالاشعار
.
: @nohe_torki