ورود محرم
.
#زبدةالاشعار
.
: @nohe_torki
.
قربان زارعی (ادیب)
.
گنه محرم اولوب باشلانیپ عزاسی حسینین
حزین حزین گلیر الله گنه نواسی حسینین
.
غبار معصیت ائتمیشدی شهری آلوده
آغارتدی شهرین اوزون تازه دن قراسی حسینین
.
حدیث کرب و بلا آیه آیه حکمتدی
سیلراوره ک توزونو هرزمان نداسی حسینین
.
یاواش یاواش گدیری کربلایه آل الله
ائدیر بو قافله نی بدرقه آناسی حسینین
.
بو اهتمامده بیر عارفانه حکمت وار
یقین بو یولدا پیمبردی اقتداسی حسینین
.
نه باش وریبدی بوآی باش تاپا نمئرام یارب !
دییلمیب هله ده کل ماجراسی حسینی
.
بیر عده طفل لب عطشان بیر عده سی عورت
سپاه شامه مقابل دوروپ قواسی حسینین
.
نه ایلمیشدی خدایا بو قوم بد خواهه ؟!
کی اوخلانیپ قوجاغئندا اوگون بالاسی حسینین
.
حسینه عاشق اولان برّ و بَحرده قالماز
نجات عالمه لنگردی کربلاسی حسینین
.
هنوز نیزه ده قرآن اوخور کسیک باشلار
گلیر هله قولاغ آس سان گئنه صداسی حسینین
.
شرار نار جهالت جهانی یاندئراجاخ
مگر کی سایه سالا عالمه لواسی حسینین
.
غریبه عالم اولاردی بیزیم بو عالمیمیز
اگر اولیدی جهان جمله آشناسی حسینین
.
طبیب درد، حسین اولسا درد مند اولماز
سورون بو درگهه قوخما گلیب دواسی حسینین
.
چالیش اوزون قوروما نور معرفتدی حسین
مسی طلا الییر دیسه کیمیاسی حسینین
.
ضیاء وریب گوزومه گوزلریم ائشئخلانمیش
مثلدی نوربصیرتده توتیاسی حسینین
.
کنیز فاطمه نین اوغلو یام آدیم قربان (1)
منی چکیب اپاریرنقش دلرباسی حسینین
.
.
)1( آقای قربان زارعی ، نوه شاعرۀ اهل بیت علیهم السلام ، مرحومه #ام_لیلی (کنیز فاطمه ) هستند.
.
#ورود_محرم #قربان_زارعی
#گنه_محرم_اولوب_باشلانیب_عزاسی_حسینین
#ترکی
.
#زبدةالاشعار
.
: @nohe_torki
نظر دهید