گوردی پیغمبر اولوب همسرینین حالی وخیم #حضرت_خدیجه_علیرضا_عباسی

حالات حضرت خدیجه (س)

.
.
.
علیرضا عباسی (احسان تبریزی)
.
گوردی پیغمبر اولوب همسرینین حالی وخیم
اگلشیب باشینین اوستونده او سلطان حکیم
.
گوردی رخساری سولوب تنگه دوشوبدور نفسی
فانی دنیادن اوزور ال قالا یوخدور هوسی
.
آخینیر گوزلری آلنندا سویوق تر دوزولور
باخوری احمده حسرت یوزه قانیاش سوزولور
.
خاتم مرسله دیل سوزلرینی قیلدی بیان
گئدورم محضر حقه ولی دیلدن نگران
.
بیلوسن دارو نداریم گل بی خاتمه دی
منه عالمده نشانه بو قیزیم فاطمه دی
.
یوخ سوزوم مندن اونی چوخ چوخ اوزون ایسترسن
سن محبت هامیدان چوخ بالاما ایلرسن
.
منیم اما طرفیمدن قولیوی بوینونا سال
آناسیزلیق اثر ائتسه نه زمان گویلونی آل
.
آنا ئولسه قیزا چوخ ایلر اثر فقدانی
چاره سی اولماز الینده اوجالار افغانی
.
قویمادی باد اجل من گولومون عطرین آلام
آزیدی سنّی جهاندا آناسیز قالدی بالام
.
الغرض گوردی چخور جانی رسول مدنی
خارج ائتدی او مکاندان بالاسی فاطمه نی
.
یعنی جان وئرماقینی گورمیه زهرا علنی
دوزه بیلمز گوره اول لحظه ده هر قیز ننه نی
.
.
بوردا سوز قالسون هله نسگل اولان مطلبه باخ
یوز وئریبدی بئله بیر واقعه ده زینبه، باخ
.
واریدی بئش یاشی زهرا آناسیز قالموشدی
بئش یاشیندا باشا زینبده قرا سالموشدی
.
بو شباهتدی تفاوتلری اما چوخیدی
امِّ زهرانین ئولن وقته یاراسی یوخیدی
.
مادر زینبی صحنه ووروب اعدا یخمشدی
در و دیوار آرا گل مثلی قویوب سخمشدی
.
گون او گون اولدی بتولین گل عمری سارالوب
بستری ناخوش اولوب زینبین آرامین آلوب
.
قیلدی فرمایش عم اوغلی ئولورم آغلا ما چوخ
گل وصیت ائلییم سینه لری داغلاما چوخ
.
الله عالمدی دل حیدره بو سوز نئلدی
غم اطاقیندن او دم زینبی خارج ائلدی
.
غفلتاً آیریلقین تیری دگه قلبی بولر
جان وئرنده گوره زهرانی اگرزینب ئولر
.
#گوردی_پیغمبر_اولوب_همسرینین_حالی_وخیم
#ترکی
.
.