یا مهدی
.
#زبدةالاشعار
.
: @nohe_torki
.
سید تقی سیفی اردبیلی
.
گورنده طلعتووی گلستانه کیمدی باخان
شقایق عشوه سی یا ارغوانه کیمدی باخان
.
باخاندا صورتوه سینه چاک اولوب لاله
سنی گوروب دئدی منده فغانه کیمدی باخان
.
نسیم مست و چمن زلفوون پریشانی
تاپوب جلالوه ال کهکشانه کیمدی باخان
.
جبینوه یازیلوب آیه آیه سوره ی نور
او مه جبینی گورنده جنانه کیمدی باخان
.
گدای درگهوون حشریدن نه قورخوسی وار
سنون اسیرون اولوب درد جانه کیمدی باخان
.
حجابین آچ یوزوون عطر زلفووی یئله وئر
گوروم او یوسف ابرو کمانه کیمدی باخان
.
او قاره قاش گوزووه باخسا مست اولار مجنون
دییر او لیلی گئدن کاروانه کیمدی باخان
.
دیانت اهلی سر کویوون کبوتری دور
هامی دالونجا گزور آشیانه کیمدی باخان
.
اسیر عشقووه خوشدور اولا بیابانگرد
رواق راحت بیت الامانه کیمدی باخان
.
دوداقلارونداکی کوثر وئریلسه خلقه نشان
دیلله کوثره، آب روانه کیمدی باخان
.
یوبانما، وئر منه مژگان اوخین قاچان دگلم
قوی ایلسون اورگی شانه شانه کیمدی باخان
.
حجابین آچ یوزوون مست اولوم باخاندا دیوم
جناندا حور ساتان ارمغانه کیمدی باخان
.
ئولوم شیریندی منه جان آلان سن اولسون اگر
سنیله آل وئر ائدنده زیانه کیمدی باخان
.
سنون طلیعه وی گوگلرده آختارور عشاق
وگرنه عشوه ی رنگین کمانه کیمدی باخان
.
گوزللیک آدینی، آی بوشلیدور گوزللیگیوه
سن ایله جلوه گوروم آسمانه کیمدی باخان
.
.
#مهدیه_سیفی_اردبیلی
#گورنده_طلعتووی_گلستانه_کیمدی_باخان
#ترکی
.
#زبدةالاشعار
.
: @nohe_torki
نظر دهید