در تعاریف بانوی دو عالم حضرت زهرای مرضیه و حالات شهادت خاتون محشر
.
زبدة الاشعار
.
: @nohe_torki
.
محمد وهابزاده (عیّار اردبیلی)
.
گوهر بی بَدلِ بحرِ شرافت زهرا
زرِ بی غّل و غشِ ناب وحقیقت زهرا
.
جسم و روح و شب روز اولمازدی شکّ ائلمه
باعث خلقتِ نوعِ بشریت زهرا
.
لفظ لَولاک لَما خرج اولونوب شاءنینده
حلقۀ وصلِ عدم تا ابَدیت زهرا
.
کیمدی زهرا، نَدی زهرا، نِئجه زهرا، عجبا
شاهکارِ یَدِ نقاشِ طبیعت زهرا
.
نام زهرانی فقط از بَر ائله پوز آدووی
بی نشان سِیر ائله آد عاشق و شهرت زهرا
.
عشق زهرانی گوتور اُول بو جماعتدن اوزاق
نَسَبون کیم خبر آلسا یاز اصالت زهرا
.
هانسی مجنون ئوز آدین شهرۀ بازار ائلیوب
دلی دیوانۀ یارم نه هُویت، زهرا
.
یازماقیم تُحفۀ مور اولسا سلیمان دَرینه
وئردی عشقون بو سلیمانلارا حشمت زهرا
.
کیمدی ( عیّار) سنی روح گرک وصف ائلییه
بیلورم یوخ بئله جبریلیده قدرت زهرا
.
یا ملائک یغیلا بیر یره تا نظمه چکه
شعر شرمنده اولار نثر جسارت زهرا
.
آغلاماق درگهووه وئردی منه طبع روان
یالواریب آلدیم او درگاهیده عزت زهرا
.
آند اولا کعبیه یا فاطمه ذکری یازیلا
خشته پرقیمت اولار سنگ عِمارت زهرا
.
گر مسلمانلار اولا مکتب زهرایه مُرید
مُلک اسلام اولاجاق وادیِ جنت زهرا
.
کول او باشه توکوله عرشیدن آز بیلسه سَنی
نوری حاشا ائلیین ایلدی بِدعَت زهرا
.
بو عداوت یارادوب سنگ بنا ظلم اوسته
کیم ویروب سینووه اوخ صورته ضربت زهرا
.
اود ویراندا قاپوا اصغره اوخ یازدی فلک
سیلی ردّی ائلدی زینبی غارت زهرا
.
کربلا خطّی آچیلدی او یانان آستانادان
گوردی خار اوسته رُقَیه نه جراحت زهرا
.
دوتدیلار کاکل اکبردن او گون فرقۀ کین
تا ابالفضل ائلدی مَشکه حراست زهرا
.
سن گل یاس علی سن سنی اود یاندیرماز
یاندیروب سینووی مسمار خلافت زهرا
.
تا حسین سینه سینه اوچ پر اوخ اَیلشدی دئدی
آخ ننه ایلمه دون ذرّه شکایت زهرا
.
محسنی ووردی عُمَر حرمله ده اصغروی
بو نه حکمت بو نه انصاف و عدالت زهرا
.
آغلادی سید عطشان او دم غربتووه
غُصّۀ حیدر ائدیب صبرینی سرقت زهرا
.
بو غمه کیمدی که طاقت گتیره یاز (عیّار)
غسلی مرگیندن آغیر اولدی جماعت زهرا
.
.
#فاطمیه_مدح
#گوهر_بی_بدل_بحر_شرافت_زهرا
#محمد_وهابزاده
#ترکی
.
#زبدةالاشعار
.
: @nohe_torki
نظر دهید