گوگل ایوین ایلیویدی سپاه غم تسخیر #حضرت_رقیه_هندی_تبریزی

زبانحال رقیه خاتون (س) در خرابه شام
..
..
..
..
مرحوم هندی تبریزی
..
..
..
..
گوگل ایوین ایلیویدی سپاه غم تسخیر
من فلک زدیه عمه جان ندور تدبیر
..
گلوبدی شأنیمیزه عمه آیۀ تطهیر
سبب ندور بیزی هر کیم گوروب ایدر تکفیر
..
دوشوبدی دام بلا ایچره آهوان حرم
سالوبدی دامه بو صیاد چرخ عجب نخجیر
..
عیال پاک پیمبر زبس قالوبدور آج
دویوبدی جانیدن عورت اوشاق صغیر و کبیر
..
تمامه یتمدی محنت یتیشدی آخره عمر
صغیر کن منی پیر ایتدی دور عالم پیر
..
فراق الینده گلوب تنگه قان اولوب گوگلوم
ایشیمدی آه سحر گاه و نالۀ شبگیر
..
دیار کرب و بلا ایچره باغلیوب صورت
گوزومده نیزه و تیغ و سنان و خنجر و تیر
..
ساراتدی رنگیمی چون زر بو کیمیای بلا
یتیملیقدا عجب واردى قوۀ اکسیر
..
منم اسیر بلا یار و همجلیس بلا
اولوبدی آب بلائیله توپراقیم تخمیر
..
بیر آهیلن ایدرم عمّه عالمی ویران
زبسکه آتش آهیم اولوبدی عالمگیر
..
ایشیتسه ناله می هر کیم کدر دوتار قلبین
یتیم ناله سیدور داغ داشا ایدر تأثیر
..
بودور خیالیم ئولم قورتولام مصیبتدن
موافقت ایده تدبیریلن اگر تقدیر
..
سرشک دیده مرکّبدی کیپریگیمدی قلم
یوزوم صحیفه سینه درد دل اولور تحریر
..
باخوب یوزیمه داخی حالیمی خبر آلما
که آب و رنگیم ایدر درد و غصّه می تفسیر
..
بو منزلیم بو یریم بو غمیم بو قاره گونوم
تعجّبم نیه جان چیخماز ایلیوب تأخیر
..
یتیم اوشاق قوری یر قولدا ایپ ضعیف بدن
عمو آتا آناسیز آج سوسوز بو نوع اسیر
..
قرانلیق ایوده نه بیر شمع وار نه آب و طعام
نه سقف و بام باش اوسته نه یرده فرش و حصیر
..
خرابه ایله خرابه که سخت زندان تک
که هر یانا باخورام ایپدی کونده دی زنجیر
..
بو گیجه عالم رویاده گورموشم بابامی
باشیما هر نه گلوب ایتموشم اونا تقریر
..
آلوب قوجاقه یوزومدن گوزومدن اؤپدی منیم
اوز ئولماقیما او رؤیانی ایتموشم تعبیر
..
جنازه می گر ئولم قویما عمّه خوار اولسون
باش آچوب آغلامافوندان سن ایلمه تقصیر
..
منیم عزامی توکوب گوز یاشی عزیز ایله
اگر حنوط و کفن یوخدی اولما چوخ دلگیر
..
سرشگ چشمیله یاز «هندیا» رقیّه غمین
بیرآغلاماقینه بالله گیچلله مین تقصیر
..
.
.
.
#حضرت_رقیه #هندی_تبریزی #حضرت_رقیه_شهادت #ترکی #زبدةالاشعار