گوگل غمین یوزه اشک روانه دن خبر آل #فاطمیه_سعدی_زمان

در مصیبت حضرت ام ابیها سلام الله علیها
.
.
.
مرحوم حسینی #سعدی_زمان
.
گوگل غمین یوزه اشک روانه دن خبر آل
نه غمدی زلف بیانیمده شانه دن خبر آل
.
بو غمده آغلامیان گوز جهاندا کور اولسون
حدیثینی خبر صادقانه دن خبر آل
.
جهانی یاندران عالمده بیر یانان قاپودی
بو سری کلکده غملو ترانه دن خبر آل
.
او یانماسیدی جهان ظلم اودوندا یانمازدی
اینانماسان ملل هفت گانه دن خبر آل
.
نه آد قویوب ووروب اود باب رحمته ثانی
الینده بیعت آدینلو بهانه دن خبر آل
.
قاپی آلیشدی توکولدی جماعت اولدی نلر؟
قاپی دالیندا قالان نازدانه دن خبر آل
.
نیه شهیده گیدوب قبره جدّۀ سادات
بالاسی صاحب عصر و زمانه دن خبر آل
.
مگر قتالیدی؟ مقتول اولا شهیده گیده
بو قتلی قنفذیله تازیانه دن خبر آل
.
بلی قتالیدی ئولدوردولر او گون حقّی
شهید اَوّل و سقط یگانه دن خبر آل
.
بُلنمورم خبر ماجرای مسماری
او سینه دن ، بو رموزه خزانه دن خبر آل
.
اوآستانه ده کی قانه ایستسن عدلین
او سوخته در و دیوار خانه دن خبر آل
.
ئولونجه قالدی اثر یوزده- قولدا- پهلوده
بو سرگذشتی فلانی فلانه دن خبر آل
.
هایاندا دفن ایلیوب محسنی آتاسی علی؟
آناسی غش ایلین آستانه دن خبر آل
.
کمان غصب خلافتدن آتدیلار بیر اوخ
نشانگهین هدف محرمانه دن خبر آل
.
اوخین نه سوزشی وار نه بُلر آتان نه کمان
شکسته قلبی خدنگه نشانه دن خبر آل
.
دل حسینه دگن اوخدا بو کماندانیدى
خدنگ قامتی، غمدن کمانه دن خبر آل
.
اگوب قدین دالیدان چکدی دلدن آتدی اوخی
نه قالدی دلده ؟ او ویرانه خانه دن خبر آل
.
لهیب باب علیدن یانوب خیام حسین
او خیمه لردن اوجالمیش زبانه دن خبر آل
.
نجه چوله داغیلوبدور کبوتران حرم؟
بو نکته نی او یانان آشیانه دن خبر آل
.
اورک داش اولسا «#حسینی» بو سوزلر آب ایلر
دلیلینی یوزه اشک روانه دن خبر آل
.
سبب ندور که قوجالدوقجا لطف حق چوخالور
دعای صبح و نوای شبانه دن خبر آل
.
وجود اقدس سلطان عصره ایله دعا
قبولینی اثر جاودانه دن خبر آل
.
.
.
#فاطمیه_شهادت
#گوگل_غمین_یوزه_اشگ_روانه_دن_خبر_آل
#بهار_بی_خزان ص 130
#آثارالحسینی1 ص 28
#ترکی
.
#زبدةالاشعار
.
: @nohe_torki