گیدیم قرا که یعنی عزاداریوم آقا #حسینیه_حسینی_زنجانی

عرض ارادت به پیشگاه مقدس حضرت اباعبدالله الحسین (ع)
بمناسبت ورود محرم
.
#زبدةالاشعار
.
: @nohe_torki
.
مرحوم حاج جواد حسینی زنجانی
.
گیدیم قرا که یعنی عزاداریوم آقا
غم مبتلاسی عاشق غمخواریوم آقا
.
بوقاره کوینگی آقا دنیایه ویرمرم
بو پیرهنله محرم اسراریوم آقا
.
هر جرگه دن قوولموشام آخر یورولموشام
محتاج لطف و رحمت سرشاریوم آقا
.
پروانه وار آتش عشقونده یانمشام
محو رخ جمال گهرباریوم آقا
.
امّیدیله سنون قاپوا گلمشم حسین
ساخلا قاپوندا نوکر درباریوم آقا
.
گر نوکر اولماقا سنه یوخدور لیاقتیم
ایله قبول نوکر انصاریوم آقا
.
مین سلطنتله نوکر آدین ایتمرم عوض
فخر ایلرم بو منصبه دلداریوم آقا
.
ای حرّی قوؤمویان قاپوسندان دخیلوم
قوش حرّه آشنای دل افکاریوم آقا
.
مدّتدی تیکموشم گوزومی باغلی یولّارا
مجنون شهر و کوچه و بازاریوم آقا
.
ایسته گلوم قویوم یوزومی آستانوه
بیر عمریدی که حسرت دیداریوم آقا
.
کاش ئولمه موش گورم آقا شش گوشه قبریوی
مشتاق صحن و روضۀ پرباریوم آقا
.
کامه چاتار ئورک اودی خاموش اولار اگر
گورسم حریم عشقیده زوّاریوم آقا
.
بیلمم ندندی رخصت دیدار ویرموسن
گوزدن آتوبسان ، اولمیا اغیاریوم آقا
.
شه پشت درده ساخلاماز اؤز نوکرین حسین
بیگانه سانما یار فداكاریوم آقا
.
سالما گوزون فداسی گوزوندن بو بیکسی
نالایقم ، و لیک هواداریوم آقا
.
سوز ئورگشندن آدون اولوب دیلده ازبریم
دلبستۀ مقال دُرر باریوم آقا
.
قربان اولوم مرامیوه ، شیرین کلامیوه
مفتون و مات منطق و گفتاریوم آقا
.
هر نه واریم سنوندی اؤزومده غلامیوم
خوان کرامتونده نمک خواریوم آقا
.
عهد ائتموشم قاپوندا ویرم باشه عمریمی
ائللر بیله که یار وفاداریوم آقا
.
دائم گوزوم الینده دی مولا، «حسینیم»
امّیدوار بخشش و ایثاریوم آقا
.
.
#حسینیه_حسینی_زنجانی
#حسینیه_مدح #ورود_محرم
#گیدیم_قرا_که_یعنی_عزاداریوم_آقا
#ترکی
.
#زبدةالاشعار
.
: @nohe_torki