محرّم آختاریرام …
.
زبدة الاشعار
.
: @nohe_torki
.
محمد علی مصیبی تبریزی
.
گینه ئورک داریخور یار و همدم آختاریرام
واریمدی قلبیده بیر یاره مرهم آختاریرام
.
صفای عالم امکانیدن عُدول ائدورم
فنا جهاندا فقط دردیلن غم آختاریرام
.
نه انجُم و نه مَه و آفتابی بسله میشم
نه شاهیلر کرمین من ، نه حاتم آختاریرام
.
نه یوسف آختاریرام کوینگیندن عطرین آلام
نه قلب پرغم یعقوبه مَحرم آختاریرام
.
نه اسمعیل و نه یحییٰ نه جعفر طیّار
نه هاجریله نه سارا نه مریم آختاریرام
.
نه شوکت آختاریرام من نه عزّتیله نه جاه
نه منصب و نه جلال مُفخّم آختاریرام
.
گلن گئدن سوروشور حال زاریمی دیورم
یانیقلی قلبیله حالِ محرّم آختاریرام
.
قاپی قاپی گزورم هر بلاد و بازاری
حسینین عاشقیَم قاره پرچم آختاریرام
.
نه سلسبیل و نه کوثر نه زمزم ایستیورم
فراتی خوشلامیشام قانلی علقم آختاریرام
.
او یئرکی دوشدی ابوالفضل توپراقا آتدان
همان اویرده حسین قامتین خم آختاریرام
.
گوزوم کوراولسون اگر نیّتیم خلاف اولسا
رواق عشقیده من چشم پُرنم آختاریرام
.
حسین عزاسی دی،من گِیمیشم قراکوینک
بو قاره کوینگیمه شورِ مُدغم آختاریرام
.
کیمین وارعشقی علی اوغلونا،فغانه گلوب
دیور یانان ئورگه یاحسین دم آختاریرام
.
آنان وئروبدی مسیحا و مریمه دم ،ئوزی
او فاطمی نفسیندن مسلّم،آختاریرام
.
عنایت ایله گوروم باصفا مزاریوی من
کی آلتی گوشه مزاری دمادم آختاریرام
.
«مصیّبی» گینه باشلاندی ماه آه و نوا
دئنن بو آه و غمی عالم عالم آختاریرام
.
.
#آرزوی_کربلا #کربلا
#حسینیه_مدح
#گینه_ئورک_داریخور_یار_و_همدم_آختاریرام
#ترکی
.
#زبدةالاشعار
.
: @nohe_torki
نظر دهید