گینه زمانه ده آثار غم هویدادور #حقیر_خویی

کیفیّت کوچ امام حسین(ع)از مدینه
.
زبدة الاشعار
.
: @nohe_torki
.
مرحوم میرزا عبدالوهاب حقیرخویی
.
گینه زمانه ده آثار غم هویدادور
غم و مصیبت و محنت نشانی پیدادور
.
اولوبدی فکره بنین و بنات پیچیده
ز بسکه زار و غمین امّهات و امّادور
.
دوتوبدی شش جهتی بانگ شور و واویلا
قیامت عالمی عالمده آشکارادور
.
سرشک مردمک چشم مردم عالم
گلوب تموّجه چون سیل دیده دریادور
.
بهار گریه دی چون ابر دیده لر دولموش
سرشگ توکماقا پیر و جوان مهیّادور
.
چخوبدی نُه فلکه بانگ شور و شیون و شین
دوتوب جهانی نه فریاد دور نه غوغادور
.
گمان بودورکی پیمبر گئدوبدی دنیادن
مقدّمات وفات رسول طاهادور
.
نه بلکه نَفس پیمبر بو ماجرادن اؤزی
اولا ملول و مکدّر علیّ اعلادور
.
وفات عصمت کبرادی نه بو واقعه دن
خمیده قامت سرو بتلو عذرادور
.
بلی باتوب غمه یثرب خراب اولور بطحا
عراق سمتینه عازم امیر بطحادور
.
حجاز قافله سی باغلانوبدی کوچ ائله سون
دیار کرب و بلایه عجب تماشادور
.
مدینه دن اوجالوب نُه سمایه بانگ رحیل
زمان کوچ جوانان ماه سیمادور
.
سالوبدی غلغله آوازه ی حزین فلکه
گلوب فغانه جرس ذکری واحسینادور
.
حَرَم کجاوه لری باغلانوبدی ناقه لره
سوار هودج زرّین بنات زهرادور
.
قاباقدا ماه بنی هاشمی شجاع عرب
لوای مرتضوی باشی اوسته برپادور
.
دوشوب یانینجا جوانان آل پیغمبر
که هر یری دیه سن مِهر عالم آرادور
.
بیری ذبیحیله همدوش حسن طلعتده
بیری جمالیله یوسف شبیه یحیادور
.
بیری شبیه رسول خدا علی اکبر
که سرو قامتی رشگ نهال طوبادور
.
گورن دیردی یوزی آفتابدور تابان
جبین و طرّهٔ شبرنگی ماه و یلدادور
.
جمال حُسن تمامیله قاسم داماد
تمام بدر کیمی مه جبینی غرّادور
.
گلنده نازیله رفتاره اهل نظاره
خیال ائدردی خرامنده سرو رعنادور
.
امیر قافله سرخیل کاروان جلال
خلیل وارثی فرزند شاه لولادور
.
منایه یتمیش ایکی ماه رو ذبیح آپارور
بلی مصیبته بطحا خلیلی دارادور
.
ائدوب جلای وطن گئچدی باش و جانیندن
گورون باشیندا حسینون نه شور و سودادور
.
جمیع مایملکین ترک ائدوب فنا فی الله
مقامین اخذ ائدوبدور رضایه مرضادور
.
«حقیر» عاشق کامل او نفس کاملدور
که کایناته و هم ماسوایه مولادور
.
.
#خروج_مدینه
#حقیر_خویی
#گینه_زمانه‌ده_آثار_غم_هویدادور
#ترکی
.
#زبدةالاشعار
.
: @nohe_torki