شام غریبان
.
#زبدةالاشعار
.
: @nohe_torki
.
واصف مرندی
.
گینه یارب یازیرام درد و غم عنوانیندن
کربلا محشرینین شام غریبانبندن
.
محشر و شوریدی هر لحظه سی عاشورانین
نقدر یازسا قلم گورمیه جاق پایانین
.
صبحدن ظهره کیمین آخدی مقدس قانلار
ئولدی نوح نبوی اسدی قرا طوفانلار
.
کوفه سویقونچیلاری حمله ائدیب اخیامه
قوپدی زهرا قیزینا قورخولی بیر هنگامه
.
جایزه کامینه چاتمیشدی سنان و خولی
هره بیر قانلی باشین اولموشودی مسئولی
.
هانکی باجیده اولار بو ستمه صبر مگر
پوزدی عباس قوران خیمه لری غارتگر
.
سالدیلار آت دوشونه معرکه آواره لرین
قاچاقاچدا چوخونون آچدیلا گوشواره لرین
.
هاردا گورموشدی بیابان عربی گوشواره
غضبیلن آلینیب اولدی قولاقلار پاره
.
چکیلیب سد ستم کوی وفا یولارینا
اولدولار چولده پناهنده تیکان کولّارینا
.
مابقی مطلبیمیز ناله و افغان سوزودی
او یانان خیمه سوزی شام غریبان سوزودی
.
صبر بو منظره ده سینۀ یغمایه گئدیب
یاری یانموش چادری زینب حسینیه ائدیب
.
خیمه نین سردرینه بیر قره پرچم ووردی
قهرمان زینب ابوالفضل یرینده دوردی
.
باخدیلار خیمه فضاسینه اورکلر دولدی
اصغرین دوشدی سوزی آیری قیامت اولدی
.
خیمه نی تنظیم ائدیب زینبی اما او یره
قاپیسیندا دایانا مقتل و گودالی گوره
.
دئدی قارداش بوغمین غالب اولار هر صبره
اولمادی بیر نفرین نعشیوی قویسون قبره
.
بو گجه اولیدی دشتیده منسیز قالدین
یوسف فاطمه سن چولده کفنسیز قالدین
.
گون گئدیب مغربه اما گونوزون شرمیندن
آی تماشایه چیخیب حادثه نین گرمیندن
.
گوزلری آی ایشیقیندا ساتاشیب ساربانا
کیم بو درده دایانار زینب مضطر دایانا
.
بیر پارا خنجریلن چاتسا بلا مقتلینه
نه باشا رحمی گلر نه قولونا نه الینه
.
دوونوب داغلی اورک لبلری گول تک اسدی
تیتردی ال ایاقی چون او لعین ال کسدی
.
خیمه دن جلب ائلدی خاطرینی بیر ناله
داغلی قلبیله گئدیب بوسسه استقباله
.
گل علی شام غریباندی اورک درده گلوب
او قدر آغلامیشام گوزلریمه پرده گلوب
.
نه دیل آچدین گوزل اوغلوم نه ده بیر ناز ائتدین
بو قوجالدار آناوی میدانا دیلسیز گتدین
.
آلتی آی عمر ائله دین لحظه لری نیسگیلدی
بو گونه گون دئمرم چون آناوا بیر ایلدی
.
آناوام وئرمرم عالملره قانلی توکوی
گل یووم اشکیمیلن قانه باتان دوشلوگوی
.
.
#شام_غریبان_واصف_مرندی
#اصغریه_اصغریه_شهادت
#گینه_یارب_یازیرام_درد_و_غم_عنوانیندن
#ترکی
.
#زبدةالاشعار
.
: @nohe_torki
نظر دهید