زبان حال حضرت امام حسین (ع) بر بالین حضرت قاسم (ع)
..
..
..
..
حاج علی اصغر فریدی
..
..
..
..
یاتما بئله قان ایچینده راحت
ای کوی وفا فداسی قاسم
بیرده منِ دلفکاره سس وئر
ای گوزلریمین ضیاسی قاسم
..
..
..
..
آخر منه قارداشیم حسندن
بو دهرده یادگاریدین سن
بی کس عموین بو دشت غمده
بو حالینه دلفگاردین سن
اکبر کیمی تشنه لب بو چولده
جان وئرمگه بی قراریدین سن
مقصودیه نائل اولدون آخر
گلدى اله حق رضاسی قاسم
..
..
..
..
قارداشیم حسن ملالی گویا
ایندی من زاره تازه لندی
گؤردوم سنی لخته قان ایچینده
رخساریمه گؤزیاشیم الندى
نازیله بو جسمی بسلمیشدیم
القانه جفائیله بلندی
سولدی چمنیم سن اؤلدون آخر
ای گلشنیمین صفاسی قاسم
..
..
..
..
ایندی سسیوی خِیَمده آلدیم
سلب اولدی الیمدن اختیاریم
تار اولدی جهان گوزومده دلدن
افلاکه اوجالدی آہ و زاریم
سوندورموری قلبیمین شرارین
دیدَمدَن آخان بو اشکباریم
هرچه باخیرام شماره گلمیر
بو پیکریوین یاراسی قاسم
..
..
..
..
حمل اتتماقا نعشیوی خیامه
منده داخی قالمیوبدی طاقت
گول تک بدنین اولوبدی خندان
گویا که یئتن ووروب جراحت
بی کس آنان ایندی فرقتینده
باشه وروری ائدور قیامت
ای وای بالا وای دئییر دمادم
افلاکه چیخیر نواسی قاسم
..
..
..
..
چوخ یاره ووروبدور اهل کوفه
گول جسمین اولوبدی پاره پاره
الله بیلیری نه حالتیله
من باشیوی آلمیشام کناره
وئرمیر گؤزومون یاشی امان بیر
بو حالیوه ائیلیم نظاره
درده گتیریر بو دلفکاری
دشمنلریوین جفاسی قاسم
باش باشه چاتیب شکسته اوخلار
مژگان کیمی قانلی سینن اوسته
رحم ائیلمییب ووروب بو لشکر
ای وای منه یاره دسته دسته
نه نوعیله گلمیم فغانه
بولمم من زار و دلشکسته
منده گلیرم سیزین دالیزجا
یوخ قالماغیمین وفاسی قاسم
..
..
..
..
ایندی یولا گؤز تیکیب حرملر
هجرینده ائدیرله داد وشیون
بولموله سنی بو حالتیله
مقتول ائله ییب بو چولده دشمن
گلمیر دیزیم حمل ائدم خیامه
گول تک داغیلان جنازه وی من
گؤرسه آناوین چیخار سمایه
ای وای بالا وای صداسی قاسم
..
..
..
..
آغلا بو جوانه ای فریدی
چوخ نیسگیلی وار بونون حقیقت
بو خدمتیوه جزا گونونده
ائیلر آتاسی سنه شفاعت
شوقیله ال اوزدی باش و جاندان
جان وئردی سوسوز او سرو قامت
باشی اوسته عموسى ذکر ائدردی
ای گوزلریمین ضیاسی قاسم
..
..
..
..
#قاسمیه #فریدی #قاسمیه_شهادت #ترکی #زبدةالاشعار
نظر دهید