یاتما قولسوز قان ایچینده گلمیشم افغانه قارداش #عباسیه_کریمی_مراغه_ای

زبانحال امام حسین(ع) در بالین برادر
..
..
.
.
#سبک_ای_ویرن_ویرانه_یرده … با اضافه کردن واگیر … #سبک_گلپونه_ها #سبک_استخاره_کردم
.
.
..
مرحوم کریمی مراغه ای
..
..
..
..
یاتما قولسوز قان ایچینده
گلمیشم افغانه قارداش
خیمه ده نازلی رقیّم
گوز تیکوب میدانه قارداش
..
..
..
..
قوی اؤپوم قانلی یوزوندن گل کیمی رنگیم بویانسون
شمع آهیم شعله چکسون باشیوین اوستونده یانسون
قوی دیوم گلسون رقیّه م باشیوه تئز تئز دولانسون
رزمگهده باهم اولسون شمع و گل پروانه قارداش
..
..
..
..
خیمده اللر باشیندا سسلنور یاهو رقیّم
گه ملر گاهی سیزیلدار گوئیا آهو رقیّم
سن یاتوبسان قان ایچینده ایمدی گوزلر سو رقیّم
وئرموسن سو قولی آخر عترت عطشانه قارداش
..
..
..
..
باشیوه ضربت دگنده باشیمه کوللر توکولدی
دیزلریمدن گئتدی قوت قامتیم بیردن بوکولدی
بیر اوزوم بیلدیم اوحالی بیر باجیم بیچاره بولدی
محنتیم اولدی مؤثر لشگر عدوانه قارداش
..
..
..
..
مرحبا ارشد مجاهد سن جهاد اکبر ائتدون
اکبریم تک نقد جانون صرف راه اصغر ائتدون
حیف اولا من بی پناهی مرغ بی بال و پر ائتدون
سرسپاهیم گئتدی یاندیم آتش هجرانه قارداش
..
..
..
..
بو غریبی قویما یالقوز سندن اوزگه یاوریم یوخ
هم غریبم هم اوغولسوز لشگریم یوخ دشمنیم چوخ
کاش قلبیمدن دگِیدی سجده گاهوندن دگن اوخ
مرتضایه بنْزیَن گؤز توش اولوب پیکانه قارداش
..
..
..
..
ایلدون الله یولوندا ثاریوی ایثار دینه
قانویله جلوه وئردون گلشن دین مبینه
امدیگون سود نوشون اولسون مرحبا امّ البنینه
بسلدی سن تک وزیری من کیمی سلطانه قارداش
..
..
..
..
کاش الون سالم اولیدی بوینوما بیرقول سالِیْدون
کاش بیر نطقه گلیدون غصه می دلدن آلیدون
کاش بو فانی جهاندا من ئولِیْدیم سن قالِیْدون
نیلیرم سنسیز حیاتی اُف اولا دورانه قارداش
..
..
..
..
اللرون قانلی الیمده وای یارالی قارداشیم وای
اللریم قالدی بئلیمده وای یارالی قارداشیم وای
دمبدم آدون دیلیمده وای یارالی قارداشیم وای
وای منه دنیا گوزومده دؤندی بیر زندانه قارداش
..
..
..
..
سن او عنقاسن که قاف عشقده شهپر سالوبسان
سن او کشتی سن که بحر خونیده لنگر سالوبسان
سن او ضیغم سن قلوب دشمنه اخگر سالوبسان
مرتضی تک اود ویریبسان آل بوسفیانه قارداش
..
..
..
..
اولمادون مست ریاست ساتمادون دنیایه دینی
گئتمدون شمرین دالیجا قویمادون یالقوز حسینی
ایلدون زهرا یانندا سربلند امّ البنینی
مرحبا تقوایه سنده قوت ایمانه قارداش
..
..
..
..
گلشن غمده #کریمی قمری تک باشلار ترانه
گاه ائدر ذکر مصیبت گه سیزلدار یانه یانه
لطفیله قیل بیر توجه سنده لطفی نوحه خوانه
یوز قویوب درویش لر تک درگه احسانه قارداش
..
..
..
#عباسیه #کریمی_مراغه_ای #عباسیه_شهادت #ترکی #زبدةالاشعار