ورود به مدینه
.
زبدة الاشعار
.
: @nohe_torki
.
مرحوم واقف سرابی
.
یاخونلاشوب وطنه کاروان دشت بلا
گوروندی شهر مدینه اوجالدی داد و نوا
.
امام امر ایلیوب ساخلیون بو قافله نی
اولار بو قافله نین پیشوازینه گلنی
.
کجاوه دن توکولوب عترت رسول الله
یغشدی خیمه ده دورِ امامه آل الله
.
جناب زینب ائشیتدی گینه وطن سوزینی
باخوب گورنمه دی اشکیله دولدوروب گوزینی
.
دیدی نهال امیدیم کسیلدی بَر وئرمز
او قدری باشیمه قمچی دگوب گوزوم گورمز
.
دیدی سالان گوزیمی نوریدن حسینیم وای
اولان عیالی جلای وطن حسینیم وای
.
دیر بشیر امام آغلیوب بویوردی منه
بیزیم اذیّتیمیز چوخ دگوب بو یولدا سنه
.
بو دم یتور اوزوی جدّیم رسول روضه سینه
سلام جدّیمه ویر باخما آغلاماق سسینه
.
رکابه قویدی ایاقین بشیر باشلادی راه
لوای و شال، سیاه و لباس جامه، سیاه
.
مرخص اولدی دوتوب سمت شهره اولدی روان
نه گوردی سسلدیلر ای بشیر بیرجه دایان
.
دوروب بشیر خبردار اولا نه مطلبدور
گوروب علی قیزی عُلیا جناب زینبدور
.
دئدی بشیر ایاق ساخلا زحمتیم واردور
قبول زحمت ائدوبسن وصیتیم واردور
.
گلر قباقیوه بیر پیر مرد جامه سیاه
جناب جعفر طیّارین اوغلی عبدالله
.
کمانه قدی دونوب بیر الین قویوب بئلینه
غلامینه دایانوب بیر عصا آلوب الینه
.
حسینیمی خبر آلسا دی بیکفن گوردوم
بو نوع گورمیه لر هیچ یارالی من گوردوم
.
#یاخونلاشوب_وطنه_کاروان_دشت_بلا
#ترکی
.
#زبدةالاشعار
.
: @nohe_torki
نظر دهید