مدح و مصائب حضرت زینب (س)
.
زبدة الاشعار
.
: @nohe_torki
.
#علی_تیموری اردبیلی
.
یازیلدی دفترعشقه گرک گورسون بلازینب
بلایه توش اولان وقت ایلسون حمدوثنازینب
.
ائلیکه اولدی بش سنی بلایه اولدی آماده
گوره حقّین یولوندا بش یاشیننان چوخ جفا زینب
.
غم زهرا سالوب قلبین پیمبردن صورا درده
وئروب الدن آناسین اولدی درده مبتلا زینب
.
اوگون کی یاندی درگاه علی ظلم اولدی زهرایه
اوگوندن درده توش اولدی سالوب باشه قرا زینب
.
ائلیکه مفخر آل عبا ترک ائتدی دنیانی
ائوی خلوت گوروب گویا ائدوب آه ونوا زینب
.
آچوبدور باب مولانی عزایه گلمیوب بیرکس
یئغوب باشه اوشاقلاری دئیوبدور اوخشاما زینب
.
گوروب همسایه لردن یوخدی بوغمده شریک اولسون
ائدوب درگاه والاسین نجه ماتم سرا زینب
.
دئدی مظلوم اوشاقلارین قویان آغلار ننه م لایلای
یانوب قلبی بومحنتده اولوب غرق عزازینب
.
ولی اصلاًبوبابتدن بیریندن اولمیوب دلگیر
ائدوبدور مثل زهرا قونشوسون دیلدن دعازینب
.
کی زهرادن صورا مثلین بوعالم گورمیوب گورمز
اولوب زهراکیمین یثربده درده آشنازینب
.
روا دور گوربئله پاکیزه انسانه جفا اولسون
کی گورسون دایماً ئوزآشناسیندن جفازینب
.
قلم وقت گریزاولدی سوزی چک غملی صحرایه
دئنن آیا گورک هاردا اولوب غمدن رها زینب
.
دولاندی روزگاری ماجرای کربلا گلدی
بلا دشتینده توش اولسون بلایه باوفازینب
.
ازلدن عاشقیدی بو خانم دلبند زهرادیه
گرک ئوز عشقینی ائتسون او ماواده ادا زینب
.
ائلیکه سرزمین کربلایه اولدیلار وارد
حسین فرمایش ائتدی وار بویئرده چوخ بلازینب
.
گرک بو یئرده دوغرانسون جوانان بنی هاشم
جنازه م اوسته آت چاپسون گروه اشقیا زینب
.
یاناندا خیمه لر قویما اوشاقلار غصه مرگ اولسون
اوبحراندا ئوزون ایله اولاری جابجا زینب
.
آماندی صبریدن چیخما باجی هربیربلا گلسه
بلایه چوخ صبور اُول قوی خدااولسون رضازینب
.
تماماً امر مولانی ائدوب بیربیر خانم اجرا
کی ائتدی کربلاده عشقینه عهدووفا
زینب
.
ایکی اوغلون وئروب قربان حسینه عرض ائدوب قارداش
کی حیف آزدی بوقربانلار سنه اولسون فدازینب
.
سمادن اوستومه باران کیمی قارداش بلاگلسه
یولوندا ایلمز زرّه بلایه اعتنا زینب
.
آلوب درسین باجون زینب آنوون زهرادن اوّل گون
اولوب حاضر بلایه دخترخیرالنسا زینب
.
نه قدری اوستومه گلسه بلاقارداش صبوراولّام
گرک بوحالدا صبریلن ائده ظلمی فنازینب
.
حسین جان باخ بوعالمده به امر حضرت باری
گرک آل امیه ظلمین ائتسون برملازینب
.
ائلیکه یار وانصار حسین بیربیر شهیداولدی
قالوب میرهدا تنها ائدوب دیلدن دعازینب
.
دئدی الله ئوزون رحم ائت حسین تنهادی میداندا
نجه تاب ایلسون بوماجرایه ای خدا زینب
.
یخیلدی قانلی گوداله حسین شمرین جفاسیندن
بیرآیری محنت عظمایه اولدی ابتلا زینب
.
مقاتلده یازوبلارگه قاچوردی تلّین اوسته گاهی گوداله
باشیندا اللری دیلدن ائدوب آه ونوا زینب
.
نه قارداشی حسین واردی نه وارعباس نام آور
کی بیرکس یوخ دئیه دردین اولوب بی اقربا زینب
.
نجه آیریلدی الله بوباجی صدپاره پیکردن
جداده اُول کسوک باشیله گئزدی پا به پا زینب
.
اولونجک بوخانم یالوارمادی بیگانیه هرگز
ائوین آباد اولا ای قهرمان کربلازینب
.
اوتوز ایلدی بو تیموری سنون عشقونده هرهفته
گلوبدور هیئتونده سسلنوب صدقیله یا زینب
.
#زینبیه_مدح
#زینبیه_شهادت
#یازیلدی_دفتر_عشقه_گرک_گورسون_بلا_زینب
#ترکی
.
#زبدةالاشعار
: @nohe_torki
نظر دهید