یاز قلم بیر سوز رواق کعبه میقاتیمه #حیدریه_مصیبی_تبریزی

«لَا فَتی الّاعَلی لَاسَیف الّا فَاطِمَه»
..
..
..
..
..
مصیبی تبریزی
..
..
..
..
..
یاز قلم بیر سوز رواق کعبه میقاتیمه
چیدمان ظلمت و طاغوته وئرسون خاتیمه
گرم راز اولدوم قلم یازسون چاتام حاجاتیمه
ذات حق سالدی بو معنانی پریشان ذاتیمه
منده یازدیم بیله سوز دفترچه طاعاتیمه
لَا فَتی الّاعَلی لَاسَیف الّا فَاطِمَه
..
..
..
..
..
گرچه بو ذکری دییوب جبریل ؛ وقت کارزار
لا فتَی’ده ایلیوب نام علی نی اختیار
آلدی لاسَیف آیه سی اما وجودیمدن قرار
دوزدی کی روح الامینه مقصدیدی ذوالفقار
لیک هئچ شمشیر زهراسیز اولانماز قائمه
لَا فَتی الّاعَلی لَاسَیف الّا فَاطِمَه
..
..
..
..
..
باده دن یازما شراب ناب ساغردن دئمه
تاج لعل و شهدناب و مشک وعنبردن دئمه
سلسبیل و زمزم و انهار اطهردن دئمه
نُه رواق فرش و طاق عرش ِ اخضردن دئمه
کوثر و ساقیّ کوثردن دئنن بی واهمه
لَا فَتی الّاعَلی لَاسَیف الّا فَاطِمَه
..
..
..
..
..
حیدر و زهرا آدون اعظم پیمبرلر دیوب
روحِ اشترلر دییوب مقتلده اکبرلر دیوب
ذکر یازهرانی علقمده ابوالفضلر دیوب
باشدا معجرلر دیوب اللرده خنجرلر دیوب
نام زهرا وعلی قلب جهانه ناظمه
لَا فَتی الّاعَلی لَاسَیف الّا فَاطِمَه
..
..
..
..
..
اهتزازه اول زمان کی حشرده پرچم گلر
حیدر و زهرا شفاعت ائتماقا باهم گلر
غیر شیعه ؛ قلب کلّ عالمینه غم گلر
عرصه گاه محشره شیعه ولی خرّم گلر
اوندا بیر سس خلق اولار تالار حشر اعظمه
لَا فَتی الّاعَلی لَاسَیف الّا فَاطِمَه
..
..
..
..
..
من کیمم وصف ایلیم سالار بدر و خیبری
من کیمم مدح ایلیم آلاله پیغمبری
چاره سیز درده دوشنده دویمَرم آیری دری
یا چاغیرّام عشقیله زهرا آدین یا حیدری
هم علی هم فاطمه والله چاتاللار دادیمه
لَا فَتی الّاعَلی لَاسَیف الّا فَاطِمَه
..
..
..
..
..
هانسی قدرت ؛یاز قلم ییخدی بناسین خیبرین
هانسی اللر مرحبین آتدان سالوبدور پیکرین
قوی دیوم هاردان بو اللر تاپدی قدرت لنگرین
چون ئوپردی فاطمه دائم علی نین اللرین
هرئوپنده اللری بو سس دوشردی عالمه
لَا فَتی الّاعَلی لَاسَیف الّا فَاطِمَه
..
..
..
..
..
بدر و خیبرده “اناالفاروق”علی یکسر دیوب
فاطمه اما انَاالحَق ذکری پشت در دیوب
اوندا کی بیعت سوزون اوچ یوز نفر کافر دیوب
جای حیدر حضرت زهرا انَاالحیدر دیوب
سسلدی من قویمارام بیعت اولونسون ظالمه
لَا فَتی الّاعَلی لَاسَیف الّا فَاطِمَه
..
..
..
..
..
شیعیه عزّت بودور لعن ایله سین بیگانیه
هانسی بیگانه او کی اود ووردی باب خانیه
سنده سسله لعنت اولسون قُلچُماق جانیه
لعنت اولسون تاقیامت ثانیه هرثانیه
یاندیر اود وور بیشۀ خطّابیانه دائمه
لَا فَتی الّاعَلی لَاسَیف الّا فَاطِمَه
..
..
..
..
..
هاردا قرآندان یازیلسا هل اتانین وار سوزی
ذوالفقاره دم ووراندا لافتانین وار سوزی
هارداغیرت حرفی وار خیرالنسانین وار سوزی
هاردا عزتدن دانیشسان مرتضانین وار سوزی
نام زهرا و علی زینتدی تقریراتیمه
لَا فَتی الّاعَلی لَاسَیف الّا فَاطِمَه
..
..
..
..
..
بطن زهرادن حسین آچدی گوزون عالملره
صُلب مولادن ابوالفضل یول سالوب علقم لره
قالسون عباس وحسین ، بیر آیری دم وار دملره
نام زینب باشدا ثبت اولدی قرا پرچملره
اولدی دارِ حیدر و زهراده زینب خادمه
لَا فَتی الّاعَلی لَاسَیف الّا فَاطِمَه
..
..
..
..
..
ای «مُصَیّب» عفّتِ شعرون وقاریندور سنون
مرتضاعشقینده یازماق افتخاریندور سنون
ذکر یازهرا گجه گوندوز شعاریندور سنون
بو قلم کی وار الینده ذوالفقاریندور سنون
صدقیلن یاز؛ دم به دم بو سوز وئرر دم ذاتیمه
لَا فَتی الّاعَلی لَاسَیف الّا فَاطِمَه
..
..
..
..
#حیدریه #فاطمیه #مصیبی_تبریزی #ترکی #حیدریه_مدح #فاطمیه_مدح #زبدةالاشعار #فاطمیه_مصیبی_تبریزی