یاغار آلله طرفیندن برکت خلقه محبتله باخاندا #فاطمیه_واصف_مرندی

یازهرا
بحر طویل دکلمه
.
#زبدةالاشعار
.
: @nohe_torki
.
احد ظهرابزاده (واصف مرندی)
.
یاغار آلله طرفیندن برکت خلقه محبتله باخاندا
ظلمتین باغرینا آغ دردی دوشر سن گون اولوب نور شاخاندا
گجه آی شکلی چیخاندا
آنالیق اللریوه قانلی حنا رنگی یاخاندا
آچیلار لاله یاخاندا
.
.
تا دوغولدون آنادان انسیه انسان سایاقیندا
گجه شقّ القمریدین گورنه عرش طاقیندا
باباوین غملی چاقیندا
وارلیقین لشگریدی کفر و نفاقین قاباقیندا
برکتلر ایاقیندا
عرشیان صف صولا چکمیشدی بهشت اهلی ساقیندا
اسم اعظم دوداقیندا
.
.
دیدیلر لیلة الاسرا آییدی دوندی گونه چیخدی سحرده
تا هدایت چراغین یاندیرا کانون بشرده
قورتارا جانلاری طوفانلی خطرده
درّلر وار بو گوهرده
بودی ناموس و شرف حکم علی کیفَ بشرده
میزبان بیت الحجرده
.
.
مرکز لشگر حریت و ایثاریدی هر یرده حضوری
شیره ی شیری شهادت قانیدی طبق شعوری
عشقینین حشره کیمین سنمیاجاق وقر و غروری
نه ملکدور نه فرشته نه بیز انسان نه ده حوری
واقعیت نه کی سوری
.
.
ذات پاکینده مقدسلیقی وار طاهر و طاها
شانیده طیبه تنها
مقدمین ئوپدی مباهات ائلدی بستر بطحا
آدلانیب ام ابیها
عصمت و عفت صدیقه و انسیه ی زنها
سیده فاطمه زهرا
.
.
.
.
#فاطمیه_میلادیه
#یاغار_آلله_طرفیندن_برکت_خلقه_محبتله_باخاندا
#واصف_مرندی
#ترکی
.
#زبدةالاشعار
.
: @nohe_torki